Yowann 5:10 - An Bibel Kernewek 20234 (Kernewek Kemmyn)

¹⁰ Ytho an Yedhewon a leveris dhe'n den a veu yaghhes, ‘An sabot yw, ha nyns yw lafyl dhis ty dhe dhoen dha weli.’

Yowann 5:10 Iomraidhean Croise

Ysay 58:13

Mar treylydh dha droes dhiworth terri an sabot, dhiworth gul dha blesour y'm dydh sans, mes gelwel an sabot delit, ha gelwel enorys dydh sans an Arloedh, ha'y enora heb mos y'th fordhow dha honan, heb hwilas dha blesour dha honan na gul dha negysyow dha honan,

Yeremia 17:21

Yndellma y lever an Arloedh: Gwaytyewgh, rag agas enevow, na dhegewgh begh yn dydh an sabot, na'y dri dre yetow Yerusalem;

Yeremia 17:27

Mes mar ny woslewowgh orthiv, dhe sanshe dydh an sabot, ha ma na degowgh begh owth entra dhe yetow Yerusalem ganso yn dydh an sabot, ena my a enow tan yn hy yetow hag y hwra distrui palesyow Yerusalem, ha ny vydh difeudhys.

Matthew 12:10

Hag awotta den, gwedhrys y leuv. Hag i a wovynnas orto, ow leverel, ‘Yw lafyl yaghhe y'n sabot?’ rag may hallens y guhudha.

Mark 2:24

Ha'n Fariseow a leveris dhodho, ‘Mir, prag y hwrons i an pyth nag yw lafyl y'n sabot?’

Mark 3:4

Hag yn-medh ev dhedha, ‘Pyneyl yw lafyl, po gul da y'n sabot, po gul drog, sawya bewnans po ladha?’ Mes i a dewi.

Luk 13:14

Mes rewler an synaga, serrys rag Yesu dhe yaghhe yn dydh sabot, a worthybis, ha leverel dhe'n routh, ‘Yma hwegh dydh may tal oberi; dewgh ytho ynna ha bos yaghhes, a-der y'n sabot.’

Luk 23:56

hag i a dhehwelis ha pareusi spisys hag unyentys. Hag i a bowesas y'n sabot herwydh an gorhemmynn.

Luk 6:2

Mes re a'n Fariseow a leveris, ‘Prag y hwrewgh an pyth nag yw lafyl y'n sabot?’

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 5:11

Ev a worthybis dhedha, ‘Ev neb a'm yaghhas, an keth henna a leveris dhymm, “Kemmer dha weli yn-bann, ha kerdh.” ’

Yowann 5:15

An den eth dhe-ves, ha derivas dhe'n Yedhewon, Yesu dhe vos neb a wrussa y yaghhe.

Yowann 5:16

Ha rakhenna an Yedhewon a helghyas Yesu, rag ev dhe wul hemma y'n sabot.

Yowann 7:23

Mar tegemmer den trodreghyans y'n sabot rag na vo lagha Moyses terrys, owgh hwi serrys orthiv rag my dhe yaghhe den yn tien y'n sabot?

Yowann 9:16

Ytho re a'n Fariseow a leveris, ‘Nyns yw an den ma a Dhuw, rag ny with an sabot.’ Yn-medh re erell, ‘Fatell yll den yw peghador gul toknys a'n par ma?’ Hag yth esa fols yntredha.