Yowann 4:20 - An Bibel Kernewek 20234 (Kernewek Kemmyn)

²⁰ Agan tasow re wordhyas y'n menydh ma; ha hwi a lever, bos yn Yerusalem an tyller may tegoedh gordhya.’

Yowann 4:20 Iomraidhean Croise

1 Myghternedh 9:3

An Arloedh a leveris dhodho, ‘My re glewas dha bysadow ha'th pledyans a wrussys a-ragov; my re sakras an chi ma re dhrehevsys, ha gorra ow hanow ena bys vykken; ow lagasow ha'm kolonn a vydh ena bys vykken.

1 Kroniklys 21:26

Davydh a dhrehevis alter ena dhe'n Arloedh ha sakrifia offrynnow leskys hag offrynnow kres. Ev a elwis war an Arloedh, hag ev a'n gorthybis dre dan a nev war alter an offrynn leskys.

1 Kroniklys 22:1

Ena Davydh a leveris, ‘Hemma a vydh chi an Arloedh Duw ha hemma a vydh alter an offrynn leskys rag Ysrael.’

2 Kroniklys 6:6

mes my a dhewisas Yerusalem rag may fe ow hanow ena, ha my a dhewisas Davydh dhe vos war ow fobel Ysrael.”

2 Kroniklys 7:12

Ena an Arloedh a omdhiskwedhas dhe Solomon y'n nos, ha leverel dhodho, ‘My re glewas dha bysadow, ha my re dhewisas an tyller ma ragov vy ow honan avel chi sakrifis.

2 Kroniklys 7:16

Rag my re dhewisas hag a sakras an chi ma, rag may fo ow hanow ena bys vykken; ow dewlagas ha'm kolonn a vydh ena bynitha.

Salmow 132:13

Rag an Arloedh re dhewisas Sion, ev re yeunis war hy lergh dhe vos trigva dhodho:

Salmow 78:68

Mes ev a dhewisas loeth Yuda, menydh Sion, a gara.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Luk 9:53

ha ny wrens y wolkomma, rag y fas dhe vos settys troha Yerusalem.

Yowann 4:12

Osta brassa ages agan tas Yakob, neb a ros dhyn an puth, hag ev y honan a evas dhiworto, ha'y vebyon, ha'y flokkys?’

Dewteronomi 11:29

Pan wra an Arloedh dha Dhuw dha dhri bys y'n tir mayth esos ow tos di dh'y erita, ty a re an vennath war venydh Gerizim, ha'n volleth war venydh Ebal.

Dewteronomi 27:12

An re ma a sev dhe venniga an bobel war venydh Gerizim wosa hwi dhe dreusi an Yordan: Simeon, ha Levi, ha Yuda, hag Yssakar, ha Yosep, ha Benyamin.