Yowann 3:2 - An Bibel Kernewek 20234 (Kernewek Kemmyn)

² ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 3:2 Iomraidhean Croise

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

Ysay 51:7

Goslowewgh orthiv, hwi hag a woer ewnder, hwi bobel a's teves ow dyskans yn agas kolonn; na berthewgh own a'n geredh a dus, ha na bedhewgh digolonnek drefenn aga despit.

Yeremia 38:16

Ytho Sedekia an myghtern a dos yn-dann gel dhe Yeremia, ‘Dell vew an Arloedh, a ros dhyn agan bewnans, ny'th worrav dhe'n mernans, na ny'th rov yn leuv an wer ma a hwila dha vewnans.’

Matthew 22:16

Hag i a dhannvonas dhodho aga dyskyblon gans an Herodyanys, ow leverel, ‘Mester, ni a woer dha vos gwir, hag ow tyski fordh Duw yn gwiryonedh, ha ny'th teur mann a dhenvyth rag ny virydh orth fas tus.

Matthew 23:7

ha salusyansow y'n marghasow, ha bos gelwys Rabbi gans tus.

Matthew 23:8

Mes hwi, na bedhewgh gelwys Rabbi; rag onan yw agas dyskador hag oll hwi yw breder.

Mark 12:14

Ha pan dheuthons yn-medhons dhodho, ‘Mester, ni a woer ty dhe vos gwir, ha ny'th teur mann a dhenvyth; rag ny virydh orth fas tus, mes ty a dhysk fordh Duw yn gwiryonedh. Yw lafyl ri trubyt dhe Sesar, po nag yw? A ren ni po na ren?’

Yowann 1:38

Ha Yesu a dreylyas ha'ga gweles owth holya, ha leverel dhedha, ‘Pandr'a hwilowgh?’ Yn-medhons dhodho, ‘Rabbi (henn yw dhe styrya, Dyskador), ple'th esos trigys?’

Yowann 10:38

Mes mar kwrav, kyn na wrewgh krysi dhymm, krysewgh an oberow, rag may hwryllowgh godhvos ha krysi an Tas dhe vos ynnov vy, ha my y'n Tas.’

Yowann 12:37

Kyn hwrussa kemmys toknys a-ragdha, hwath ny gryssons ynno,

Yowann 14:10

A ny grysydh my dhe vos y'n Tas, ha'n Tas dhe vos ynnov vy? An geryow a gowsav dhywgh, ny's kowsav ahanav vy ow honan, mes an Tas neb a drig ynnov a wra y oberow.

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 2:11

Yesu a wrug henna, dalleth y doknys, yn Kana a Alile, ha diskwedhes y wolewder; ha'y dhyskyblon a grysis ynno.

Yowann 20:16

Yn-medh Yesu dhedha, ‘Maria!’ Hi a dreylyas ha leverel dhodho yn Ebrow, ‘Rabboni’, (henna a styr, Mester).

Yowann 3:26

Hag i a dheuth dhe Yowann ha leverel dhodho, ‘Rabbi, ev neb a veu genes a'n tu arall dhe'n Yordan, a neb ty re dhug dustuni, otta, yma ev ow pesydhya, hag yma pub den oll ow tos dhodho.’

Yowann 4:31

Y'n keth termyn y dhyskyblon a'n pysis, ‘Mester, gwra dybri.’

Yowann 5:36

Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 6:2

Ha routh veur a'n siwyas, rag yth esons ow kweles an toknys a wre war an glevyon.

Yowann 7:31

Ha lies a'n routh a grysis ynno ha leverel, ‘Pan dheu an Krist, a wra ev toknys moy es dell wra an den ma?’

Yowann 9:16

Ytho re a'n Fariseow a leveris, ‘Nyns yw an den ma a Dhuw, rag ny with an sabot.’ Yn-medh re erell, ‘Fatell yll den yw peghador gul toknys a'n par ma?’ Hag yth esa fols yntredha.

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Filippianys 1:14

ha'n brassa rann a'n vreder, kolonnekhes y'n Arloedh der ow holmow, yw moy hardh dhe gewsel an ger heb own.

Breusysi 6:27

Ytho Gideon a gemmeras deg gour a'y servysi, hag a wrug par dell re lavarsa dhodho an Arloedh, mes drefenn y vos re ownek a'y deylu hag a dus an dre dh'y wul dydhweyth, ev a'n gwrug nosweyth.