Yowann 3:16 - An Bibel Kernewek 20234 (Kernewek Kemmyn)

¹⁶ ‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:16 Iomraidhean Croise

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Jenesis 22:2

Hag yn-medh ev, ‘Kemmer dha vab, dha unn vab Ysak a gerydh, ha ke dhe bow Moria ha'y offra ena avel offrynn leskys war onan an menydhyow a lavarav dhis.’

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 12:6

Yth esa dhodho hwath unn mab karadow; ev a'n dannvonas dhedha wortiwedh, ow leverel, “Gul vri a'm mab i a wra.”

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 10:28

Ha my a re dhedha bewnans heb diwedh, ha ny wrons i mos dhe goll bynitha, ha denvyth ny wra aga hemmeres yn-mes a'm dorn.

Yowann 3:15

may fo bewnans heb diwedh dhe beub a grys ynno.’

Yowann 3:18

Nyns yw breusys neb a grys ynno ev; mes neb na grys yw breusys seulabrys, rag ny grysis yn hanow an unn Vab dineythys a Dhuw.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 5:8

Mes Duw a dhiskwa y gerensa dhyn drefenn Krist dhe verwel ragon ha ni hwath peghadoryon.

Romanyon 8:32

Neb na sparyas y Vab y honan mes y'n ros ragon ni oll, a ny vynn ev ri dhyn pup-tra ganso?

Efesianys 2:4

Mes Duw, rych yn tregeredh, drefenn y gerensa meur ma'gan karas,

2 Thessalonianys 2:16

Ha'gan Arloedh Yesu Krist y honan, ha Duw agan Tas, a wrug agan kara ha ri dhyn konfort heb worfenn ha govenek da dre ras,

Titus 3:4

Mes pan omdhiskwedhas kuvder ha kerensa Duw agan Selwador,

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 4:19

Ni a gar drefenn ev dh'agan kara kynsa.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,