Yowann 21:18 - An Bibel Kernewek 20234 (Kernewek Kemmyn)

¹⁸ Yn hwir, yn hwir y lavarav dhis, pan es yowynk omwrogysa a wres ha kerdhes plepynag y fynnes; mes pan vydhydh koth, ty a ystynn dha dhiwleuv, ha den arall a wra dha wrogysa ha dha dhoen dhe dyller na vynnydh.’

Yowann 21:18 Iomraidhean Croise

Luk 12:37

Gwynn aga bys an gethwesyon na, neb a wra an mester aga havoes difun pan dheu; yn hwir y lavarav dhywgh, ev a gelm y wrogys, ha'ga desedha orth an voes, ha mos yn-rag dh'aga servya.

Yowann 13:36

Simon Peder a leveris dhodho, ‘Arloedh, ple'th edh?’ Yesu a worthybis dhodho, ‘Le mayth av ny yllydh lemmyn ow siwya, mes a-wosa ty a wra ow siwya.’

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yowann 21:19

Hemma a leveris, ow sygnyfia gans py par mernans y hwre ev glorifia Duw. Ha wosa leverel hemma, yn-medh ev dhodho, ‘Gwra ow siwya.’

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

2 Korinthianys 5:4

Yn tevri, ha ni hwath y'n tylda ma, ni a gyn ha beghys on, drefenn na vynnyn ni diwiska mes gwiska hwath moy, may fo an pyth yw marwel kollenkys gans bewnans.