Yowann 21:15 - An Bibel Kernewek 20234 (Kernewek Kemmyn)

¹⁵ Ytho wosa i dhe dhybri, yn-medh Yesu dhe Simon Peder, ‘Simon mab Yowann, es'ta jy orth ow hara vy moy es an re ma?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwith war ow eyn.’

Yowann 21:15 Iomraidhean Croise

Jenesis 33:13

Hag yn-medh ev dhodho, ‘Ow arloedh a woer bos an fleghes tender ha bos an flokk ha'n chatel ow tena genev. Mars yns drivys kales unn jydh, oll an flokk a vydh marow.

2 Samuel 7:20

‘Ha pandr'a yll Davydh leverel moy dhis? Rag ty a aswonn dha was, A Arloedh Duw.

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Yeremia 23:4

Ha my a worr bugeledh warnedha dh'aga bugelya; ha ny berthons own namoy na bos dyegrys, na fyllel, yn-medh an Arloedh.

Yeremia 3:15

Ha my a re dhywgh bugeledh herwydh ow holonn, hag i a'gas mag gans godhvos ha konvedhes.

Ezekiel 34:23

My a dhrehav warnedha unn bugel, ow gwas Davydh, hag ev a's mag; ev a's mag, ha bos dhedha bugel.

Ezekiel 46:24

Yn-medh ev dhymm, An re ma yw an keginow may hwra an re a venyster y'n tempel bryjyon ynna sakrifis an bobel.

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Matthew 16:17

Ha Yesu a worthybis ha leverel dhodho, ‘Gwynn dha vys, Simon mab Yona, rag kig ha goes ny dhiskudhas henna dhis, mes ow Thas eus y'n nevow.

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 26:33

Peder a worthybis ha leverel dhodho, ‘Mara pydh kettep onan sklandrys ahanas, byth ny vydhav vy sklandrys.’

Matthew 26:35

Yn-medh Peder dhodho, ‘Kyn fe res my dhe verwel genes, ny wrav vy dha dhenagha.’ Yndella ynwedh y kewsis oll an dhyskyblon.

Mark 14:29

Mes Peder a leveris dhodho, ‘Kyn fons i oll sklandrys, hwath my ny vydhav.’

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Yowann 1:42

Ev a'n dros dhe Yesu. Yesu a viras orto ha leverel, ‘Ty yw Simon mab Yowann. Ty a vydh henwys Kefas’ (yw treylys, Karrek).

Yowann 13:37

Yn-medh Peder dhodho, ‘Arloedh, prag na allav vy dha siwya lemmyn? My a dhaskorr ow bewnans ragos.’

Yowann 16:27

rag an Tas y honan a'gas kar, rag hwi re'm karas vy, ha hwi re grysis my dhe dhos dhiworth Duw.

Yowann 21:12

Yn-medh Yesu dhedha, ‘Dewgh, dybrewgh.’ Mes ny vedhas denvyth a'n dhyskyblon govynn orto, ‘Piw os?’ rag i a wodhya y vos an Arloedh.

Yowann 21:7

Ytho an dyskybel na a wre Yesu y gara a leveris dhe Peder, ‘An Arloedh yw.’ Simon Peder ytho, pan glewas y vos an Arloedh, a wrogysas y bows a-dro dhodho, rag noeth o, ha lamma y'n mor.

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

Oberow 20:29

My a woer y teu wosa ow mones dhe-ves bleydhi gwyls, heb sparya an para,

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

Romanyon 15:1

Y tegoedh dhyn ni neb yw krev perthi difygyow an re wann, heb omblesya.

1 Korinthianys 8:11

Ytho, dre dha wodhvos, distruys yw an den gwann, an broder may ferwis Krist ragdho.

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Efesianys 6:24

Re bo gras gans pubonan a gar agan Arloedh Yesu Krist gans kerensa anvarwel.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

1 Peder 2:25

Rag yth esewgh ow mos yn sowdhan kepar ha deves, mes lemmyn treylys owgh hwi dhe'n bugel ha'n epskop a'gas enev.

1 Yowann 4:19

Ni a gar drefenn ev dh'agan kara kynsa.

1 Yowann 5:1

Pub huni a grys Yesu dhe vos an Krist yw genys a Dhuw; ha pub huni a gar dineythor a gar ynwedh an flogh dineythys ganso.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.