Yowann 21:12 - An Bibel Kernewek 20234 (Kernewek Kemmyn)

¹² Yn-medh Yesu dhedha, ‘Dewgh, dybrewgh.’ Mes ny vedhas denvyth a'n dhyskyblon govynn orto, ‘Piw os?’ rag i a wodhya y vos an Arloedh.

Yowann 21:12 Iomraidhean Croise

Matthew 22:46

Ha ny ylli denvyth leverel ger dhodho yn gorthyp, na ny vedhas denvyth a-dhia'n jydh na govynn orto namoy.

Mark 9:32

Mes ny gonvedhens an lavar, hag own a's teva a wovynn orto.

Luk 9:45

Mes ny gonvedhens an lavar ma, ha kudhys o dhiworta, ma na wodhyens gweles y styr; hag own a's tevo a wovynn orto a-dro dhe'n lavar ma.

Yowann 16:19

Yesu a wodhva i dhe vynnas govynn orto, hag yn-medh ev dhedha, ‘Hwi a omgusul an eyl gans y gila, rag my dhe leverel, unn pols byghan ha ny'm gwelowgh, hag arta unn pols byghan ha hwi a'm gwel.

Yowann 21:11

Simon Peder eth yn-bann ha tenna dhe'n lann an roes leun a buskes bras, kans, trydhek ha dew-ugens. Ha kynth esa kemmys, ny veu terrys an roes.

Yowann 21:15

Ytho wosa i dhe dhybri, yn-medh Yesu dhe Simon Peder, ‘Simon mab Yowann, es'ta jy orth ow hara vy moy es an re ma?’ Yn-medh ev dhodho, ‘Ya, Arloedh, ty a woer my dhe'th kara.’ Yn-medh ev dhodho, ‘Gwith war ow eyn.’

Yowann 4:27

Gans henna y dhyskyblon a dheuth ha marth a's teva ev dhe gewsel gans benyn; byttegyns denvyth ny leveris, ‘Pandr'a hwilydh?’, po ‘Prag y kewsydh gensi?’

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;