Yowann 20:9 - An Bibel Kernewek 20234 (Kernewek Kemmyn)

⁹ Rag ny gonvedhsens na hwath an skryptor, y koedhva dhodho dasserghi dhiworth an re varow.

Yowann 20:9 Iomraidhean Croise

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Salmow 22:15

Ow nerth yw desyghys avel darn a briweyth, ha'm taves a len orth ow grudh; ha ty a'm gorr yn doust ankow.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Matthew 22:29

Yesu a worthybis ha leverel dhedha, ‘Kammdybi a wrewgh, drefenn na wodhowgh naneyl an skryptors na galloes Duw.

Luk 24:26

A nyns o res an Krist dhe wodhav an taklow ma hag entra yn y wolewder?’

Luk 9:45

Mes ny gonvedhens an lavar ma, ha kudhys o dhiworta, ma na wodhyens gweles y styr; hag own a's tevo a wovynn orto a-dro dhe'n lavar ma.

Yowann 2:22

Ytho pan veu drehevys dhiworth an re varow, y dhyskyblon a borthas kov ev dhe leverel hemma, hag i a grysis an skryptor, ha'n ger a gewsis Yesu.

Oberow 17:3

owth igeri hag ow tiskwedhes dhedha bos res dhe'n Krist godhav ha dastrehevel dhiworth an re varow, ow leverel, ‘Hemm o an Krist, Yesu neb a bregowthav dhywgh.’

Oberow 2:24

Duw a'n drehevis, ow lowsya gloesow ankow, rag ny yllys ev dhe vos synsys ganso.

1 Korinthianys 15:4

ha bos ynkleudhys, ha dasserghys dhe'n tressa dydh, herwydh an skryptors;