Yowann 20:17 - An Bibel Kernewek 20234 (Kernewek Kemmyn)

¹⁷ Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 20:17 Iomraidhean Croise

2 Myghternedh 4:29

Ena ev a leveris dhe Gehazi, ‘Grogys dha dhiwglun, ha kemmer ow lorgh yn dha dhorn, ha ke. Mar metydh orth nebonan, na'n salus, ha mar kwra nebonan dha salusi, na worthyp dhodho; ha gorr ow lorgh war fas an flogh.’

2 Myghternedh 7:9

Ena i a leveris an eyl dh'y gila, ‘Kamm yw an pyth a wren. Dydh a nowodhow da yw an jydh ma. Mar tewyn ha gortos an bora ni a vydh dhe vlamya; ytho deun ha derivas dhe vayni an myghtern.’

Salmow 22:22

My a dheriv dha hanow dhe'm breder; yn mysk an kuntelles my a'th wormel.

Salmow 43:4

Ena yth av vy dhe alter Duw, dhe Dhuw joy ow lowender; ha war an sowtri my a'th wormel, A Dhuw, ow Duw.

Salmow 48:14

Rag an Duw ma yw agan Duw ni bys vykken ha bynnari. Ev a'gan hembronk bynitha.

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Salmow 89:26

Ev a elow warnav, “Ow thas osta jy, ow Duw, ha karrek ow selwyans.”

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 32:38

I a vydh ow fobel, ha my a vydh aga Duw.

Ezekiel 36:28

Hwi a drig y'n tir a res vy dh'agas tasow; hwi a vydh ow fobel, ha my a vydh agas Duw.

Ezekiel 37:27

Ow thrigva a vydh gansa; my a vydh aga Duw, hag i a vydh ow fobel.

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Matthew 28:7

Ha kewgh dihwans dhe dherivas dh'y dhyskyblon y vos drehevys a'n re varow, hag otta, yma ev ow mones a-dheragowgh dhe Alile, ena hwi a wra y weles. Otta, my re'n derivas dhywgh.’

Mark 12:26

Hag a-dro dhe'n re varow, i dhe vos drehevys, a ny redsowgh yn lyver Moyses, a-dro dhe'n bos, fatell gewsis Duw dhodho, ow leverel, My yw Duw Abraham, ha Duw Ysak, ha Duw Yakob?

Mark 16:19

Hag ytho an Arloedh Yesu, wosa ev dhe gewsel orta, a veu degemmerys yn-bann dhe nev, hag a esedhas a'n barth dhyghow dhe Dhuw.

Luk 10:4

Na degewgh pors, na skryp, nag eskisyow, ha na salusewgh denvyth war an fordh.

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 13:3

ow kodhvos an Tas dhe ri pup-tra oll ynter y dhiwleuv, hag ev dhe dhos dhiworth Duw ha dehweles dhe Dhuw,

Yowann 14:2

Yn chi ow Thas yma lies trigva. Mar ny ve, a wrussen vy leverel dhywgh my dhe vos dhe bareusi tyller ragowgh?

Yowann 14:28

Hwi re glewas my dhe leverel dhywgh, yth av dhe-ves, ha my a dhehwel dhywgh. Mara'm karrewgh, lowenhe a wrussewgh, my dhe vos dhe'n Tas, rag ow Thas yw brassa agesov vy.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 16:28

My a dheuth dhiworth an Tas, ha devedhys ov y'n bys; arta my a as an bys, ha mos dhe'n Tas.’

Yowann 17:11

Ha lemmyn nyns esov vy y'n bys namoy, mes an re ma ymons y'n bys, ha my a dheu dhis. A Das sans, gwra aga gwitha y'th hanow jy hag a resys dhymm, may fons i onan kepar dell on nyni.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 17:5

Ha lemmyn gwra ow glorifia, A Das, y'th wolok dha honan, gans an glori a'm beu genes kyns bos an bys.

Yowann 20:27

Ena yn-medh ev dhe Tommas, ‘Doro dha vys omma ha gwel ow diwleuv; ha doro dha leuv ha'y gorra y'm tenewen, ha na vydh diskryjyk, mes kryjyk.’

Yowann 7:33

Ytho Yesu a leveris, ‘Pols byghan yth esov vy hwath genowgh, hag ena yth av dhe neb a'm dannvonas.

Romanyon 8:29

Rag an re a ragaswonnis, ev a's ragdhestnas ynwedh dhe vos kesfurvys yn imaj y Vab, rag may fo ev an kynsa-genys yn mysk breder pals.

2 Korinthianys 6:18

ha tas vydhav dhywgh ha mebyon ha myrghes vydhowgh hwi dhymm, yn-medh an Arloedh Ollgalloesek.’

Galatianys 3:26

Rag yth owgh hwi oll mebyon Duw dre fydh yn Krist Yesu,

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Ebrowyon 8:10

Hemm yw an kevambos hag a wrav gans chi Ysrael wosa an dydhyow na, yn-medh an Arloedh; my a worr ow laghow yn aga brys, ha'ga skrifa war aga holonn, ha my a vydh aga Duw, hag i a vydh ow fobel.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

1 Yowann 3:2

Hwi garadowyon, lemmyn yth on fleghes Duw, ha ny welir hwath pandr'a vydhyn: mes ni a woer y fydhyn haval dhodho pan omdhiskwettho; rag ni a wra y weles dell yw ev.

Diskwedhyans 21:3

Ha my a glewas lev bras yn-mes a'n tron ow leverel, ‘Otta, yma tabernakel Duw gans mab-den, hag ev a drig gansa, hag i a vydh y bobel, ha Duw y honan a vydh gansa.

Diskwedhyans 21:7

Neb a feth a wra erita an taklow ma; ha my a vydh y Dhuw, hag ev a vydh ow mab.