Yowann 2:4 - An Bibel Kernewek 20234 (Kernewek Kemmyn)

⁴ Yn-medh Yesu dhedhi, ‘Pandr'yw henna dhymmo vy ha dhiso jy, a venyn? Nyns yw ow eur hwath devedhys.’

Yowann 2:4 Iomraidhean Croise

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

2 Samuel 19:22

Davydh a leveris, ‘Pyth eus yntra my ha hwi, hwi mebyon Seruya, may teuvewgh ha bos hedhyw eskerens dhymm? A vydh denvyth gorrys dhe'n mernans hedhyw yn Ysrael? A ny wonn vy y'n jydh hedhyw ow bos myghtern war Ysrael?’

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

Ekklesiastes 3:1

Dhe bup-tra yma termyn ordenys ragdho ha prys gwiw dhe bub ober yn-dann an nevow.

Matthew 15:28

Ena Yesu a worthybis, ow leverel dhedha, ‘A venyn, meur yw dha fydh; bedhes dhis kepar dell vynnydh.’ Ha'y myrgh a veu yaghhes a'n keth eur na.

Matthew 8:29

Hag i a armas ow leverel, ‘Pandr'a vynnydh tejy genen ni, A Vab Duw? Osta devedhys omma rag agan tormentya kyns an termyn?’

Luk 2:49

Hag ev a leveris dhedha, ‘Prag y'm hwilewgh? A ny wodhvewgh bos res my dhe vos yn chi ow Thas?’

Yowann 12:23

Yesu a worthybis dhedha ow leverel, ‘Devedhys yw an eur may fo Mab an den glorifiys.

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 2:3

Ha pan fyllis an gwin, mamm Yesu a leveris dhodho, ‘Nyns eus gwin gansa.’

Yowann 20:13

Hag i a leveris dhedha, ‘A venyn, prag yth oelydh?’ Yn-medh hi dhedha, ‘I re gemmeras ow Arloedh dhe-ves, ha ny wonn ple'n gorrsons.’

Yowann 20:15

Yn-medh Yesu dhedhi, ‘A venyn, prag yth oelydh? Piw a hwilydh?’ Hi, ow tybi y vos an lowarther, a leveris dhodho, ‘Syrra, mar kwrussys y dhoen dhe-ves, lavar dhymm le ma'n gorrsys, ha my a'n kemmer.’

Yowann 7:30

Rakhenna i a hwilas y dhalghenna, mes ny settyas denvyth dorn ynno, rag nyns o devedhys y eur ev.

Yowann 7:6

Ytho Yesu a leveris dhedha, ‘Nyns yw devedhys ow eur vy na hwath; mes agas eur hwi yw parys pup-prys.

Yowann 7:8

Kewgh hwi yn-bann dhe'n goel; my ny av yn-bann dhe'n goel ma; rag nyns yw kowlwrys ow eur na hwath.’

Yowann 8:20

Ev a gewsis an geryow ma y'n arghow, hag ev ow tyski y'n tempel; ha ny wrug denvyth y dhalghenna, rag ny veu hwath devedhys y eur.

2 Korinthianys 5:16

Ytho, alemma rag, ny aswonnyn ni denvyth yn maner dhenel; yn tevri, mar aswonnsyn ni Krist yn maner dhenel, lemmyn ny'n aswonnyn yndella na fella.

Dewteronomi 33:9

neb a leveris dh'y das ha dh'y vamm, Ny wrugavy y weles; ha ny wrug vri a'y vreder, na aswonn y vebyon y honan; rag i a withas dha lavar, ha'th kevambos i a synsis.