Yowann 2:24 - An Bibel Kernewek 20234 (Kernewek Kemmyn)

²⁴ Mes ny omdrestyas Yesu y honan dhedha, rag ev a aswonni peub,

Yowann 2:24 Iomraidhean Croise

1 Myghternedh 8:39

ena klew yn nev dha drigva, gav, gweythres, ha ri dhe bub a aswonnydh y golonn herwydh y fordhow, rag ty unnsel a woer an pyth eus yn kolonn mab-den oll;

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

Yeremia 17:9

An golonn yw fel dres pup-tra, ha drog dres remedi: piw a's aswonn?

Matthew 9:4

Ha Yesu, owth aswonn aga frederow, a leveris, ‘Prag y prederowgh drog yn agas kolonn?

Mark 2:8

Ha desempis Yesu pan aswonnis yn y spyrys aga bos ow resna yndella yntredha aga honan, a leveris dhedha, ‘Prag y resnowgh hwi an taklow ma yn agas kolonn?

Yowann 1:42

Ev a'n dros dhe Yesu. Yesu a viras orto ha leverel, ‘Ty yw Simon mab Yowann. Ty a vydh henwys Kefas’ (yw treylys, Karrek).

Yowann 16:30

Lemmyn ni a woer ty dhe wodhvos pup-tra, ha nyns eus edhomm dhis may hwrello denvyth govynn orthis; rakhemma ni a grys ty dhe vos devedhys dhiworth Duw.’

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

Yowann 4:16

Yn-medh ev dhedhi, ‘Ke, galw dha wour ha deus omma.’

Yowann 5:42

mes my a'gas aswonn, nag usi kerensa Duw ynnowgh agas honan.

Yowann 6:15

Ytho pan wodhva Yesu i dhe dhos dh'y dhalghenna gans nerth rag y wul myghtern, ev eth dhe-ves arta y'n menydh, y honan.

Yowann 6:64

Mes yma re yntredhowgh neb na grysons.’ Rag Yesu a wodhva a'n dalleth piw ens i neb na gryssons, ha piw o neb a wrussa y drayta.

Oberow 1:24

I a bysis ha leverel, ‘Ty, Arloedh, neb a aswonn kolonnow tus oll, diskwa pyneyl re dhewissys

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Dewteronomi 31:21

Ha pan wra lies drog hag ahwer aga havoes, an gan ma a worthyp yn test; rag ny vydh ankevys mes a anow aga henedh. My a woer mynnas aga brys usi dhedha hedhyw, hwath kyns my dh'aga dri dhe'n tir a wrugavy y di.’

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Diskwedhyans 2:23

Ha my a ladh hy fleghes yn farow; ha'n eglosyow oll a wra godhvos ow bos neb a hwila an lonethi ha'n kolonnow: hag y rov dhywgh hwi pubonan war-lergh agas gwriansow.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’