Yowann 2:18 - An Bibel Kernewek 20234 (Kernewek Kemmyn)

¹⁸ Ytho an Yedhewon a worthybis ha leverel dhodho, ‘Py tokyn a yll'ta y dhiskwedhes dhyn, rag ty dhe wul hemma?’

Yowann 2:18 Iomraidhean Croise

1 Myghternedh 13:3

Ev a ros tokyn an keth jydh, ow leverel, ‘Homm yw an tokyn a gewsis an Arloedh: “An alter a vydh skwardys, ha'n lusu usi warnedhi a vydh diverys yn-mes.” ’

Eksodus 7:9

‘Pan lever Faro dhywgh, “Ombrevewgh dre wruthyl marthus”, ena ty a lever dhe Aron, “Kemmer dha welenn ha'y thewlel a-rag Faro may teffo ha bos sarf.” ’

Matthew 21:23

Ha pan o devedhys y'n tempel, an bennoferysi ha henavogyon an bobel a dheuth dhodho, hag ev ow tyski, hag yn-medhons, ‘Py awtorita dredho y hwre'ta an taklow ma? Ha piw a ros dhis an awtorita ma?’

Mark 8:11

Ha'n Fariseow a dheuth yn-mes, ha dalleth disputya orto, ow kovynn orto neb tokyn a nev, rag y brevi.

Luk 11:29

Ha'n routhow owth ynkressya, ev a dhallathas kewsel, ‘An henedh ma yw drog henedh; ev a hwila tokyn, ha ny vydh tokyn res dhodho marnas tokyn Yona.

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 1:25

Hag i a wovynnas orto ha leverel dhodho, ‘Prag ytho y pesydhydh mar nyns osta an Krist, nag Elias, na'n profoes?’

Yowann 6:30

Rakhenna yn-medhons dhodho, ‘Py tokyn a wredh ytho, rag may hwellyn ha krysi ynnos? Pandr'a wredh y oberi?

Oberow 4:7

Ha pan y's gorrsens yn aga mysk, i a wovynnas, ‘Dre by galloes po yn py hanow y hwrussowgh hwi hemma?’

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’