Yowann 2:16 - An Bibel Kernewek 20234 (Kernewek Kemmyn)

¹⁶ ha leverel dhe neb a wertha an kelemmi, ‘Kemmerewgh an taklow ma alemma; na wrewgh chi ow Thas yn marghatti.’

Yowann 2:16 Iomraidhean Croise

Yeremia 7:11

Yw an chi ma, may feu ow hanow gelwys warnodho, devedhys ha bos fow ladron yn agas golok? Otta, my ow honan re'n gwelas, yn-medh an Arloedh.

Matthew 21:12

Ha Yesu a entras y'n tempel hag a dewlis yn-mes oll an re esa ow kwertha hag ow prena y'n tempel hag ev a dhomhwelis moesow an arghansoryon hag esedhow an re esa ow kwertha kelemmi,

Matthew 21:13

hag yn-medh ev dhedha, ‘Skrifys yw, “Ow chi vy a vydh gelwys chi pysadow”, mes hwi a'n gwra fow ladron.’

Matthew 22:5

Mes i a skonyas a wul henna ha mones yn-kerdh y hwrussons, onan dh'y vargen-tir, hag arall dh'y negys.

Mark 11:17

Hag yth esa ev ow tyski, hag ow leverel dhedha, ‘A nyns yw skrifys, “Ow chi a vydh gelwys chi pysadow rag oll an kenedhlow”? Mes hwi re'n gwrug fow ladron.’

Luk 2:49

Hag ev a leveris dhedha, ‘Prag y'm hwilewgh? A ny wodhvewgh bos res my dhe vos yn chi ow Thas?’

Yowann 10:29

Brassa ages pup-tra yw ow Thas, neb a's ros dhymm, ha ny yll denvyth aga hemmeres yn-mes a leuv an Tas.

Yowann 2:15

Hag ow kul skorja a gerdyn ev a's tewlis oll mes a'n tempel, ha'n deves ha'n oghen, hag ev a skoellyas bathow an arghansoryon, ha domhwel an moesow,

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 5:17

Mes Yesu a worthybis dhedha, ‘Ow Thas a ober bys lemmyn, ha my ynwedh a ober.’

Yowann 8:49

Yesu a worthybis, ‘Nyns eus dhymm dyowl, mes my a enor ow Thas, ha hwi a'm disenor.

1 Timothi 6:5

ha'n dadhlow heb worfenn a dus legrys aga brys, ha'n gwir kemmerys dhiworta i, a dyb sansoleth dhe vos mayn rag kavoes gwayn arghansek.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.