Yowann 19:6 - An Bibel Kernewek 20234 (Kernewek Kemmyn)

⁶ Ytho pan y'n gwelas an bennoferysi ha'n soedhogyon, i a armas, ‘Krowsy e, krowsy e!’ Yn-medh Pilat dhedha, ‘Kemmerewgh e agas honan ha'y growsya; rag ny welav ken er y bynn.’

Yowann 19:6 Iomraidhean Croise

Matthew 26:58

Ha Peder a'n siwyas a-bell bys yn klos an arghoferyas ha wosa ev dhe vones a-bervedh ynno, ev a esedhas gans an withysi rag gweles an dhiwedhva.

Matthew 27:22

Yn-medh Pilat dhedha, ‘Pandr'a wrav vy orth Yesu yw gelwys Krist?’ I oll a leveris, ‘Bedhes krowsys!’

Matthew 27:24

Ha Pilat, pan welas na ylli gwaynya travyth, mes yth esa freudh ow talleth, a gemmeras dowr ha golghi y dhiwla a-rag an routh ow leverel, ‘Glan yth o'ma a woes an den gwiryon ma. Hwi omgemmerewgh.’

Luk 23:4

Ena yn-medh Pilat dhe'n bennoferysi ha'n routhow, ‘Ny gavav travyth kablus y'n den ma.’

Yowann 18:3

Yudas ytho, wosa kavoes bagas a soudoryon ha soedhogyon dhiworth an bennoferysi ha'n Fariseow, a dheuth di gans lugern ha faglennow hag arvow.

Yowann 18:31

Ytho Pilat a leveris dhedha, ‘Kemmerewgh e agas honan, ha'y vreusi herwydh agas lagha.’ Yn-medhons an Yedhewon dhodho, ‘Nyns yw lafyl dhyn, ni dhe worra denvyth dhe'n mernans’;

Yowann 18:38

Yn-medh Pilat dhodho, ‘Pyth yw gwiryonedh?’ Hag ow leverel hemma, ev eth yn-mes arta dhe'n Yedhewon ha leverel dhedha, ‘Ny welav ken vyth er y bynn.

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Yowann 19:4

Ha Pilat eth yn-mes arta ha leverel dhedha, ‘Otta, my a'n dro yn-mes dhywgh, rag may hwodhvowgh na welav ken vytholl er y bynn.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,