Yowann 19:41 - An Bibel Kernewek 20234 (Kernewek Kemmyn)

⁴¹ Lemmyn y'n tyller may feu Yesu krowsys yth esa lowarth, hag y'n lowarth yth esa bedh nowydh, na via denvyth bythkweth gorrys ynno.

Yowann 19:41 Iomraidhean Croise

2 Myghternedh 23:30

Y wesyon a'n dug, marow, yn charett dhiworth Megiddo dhe Yerusalem, ha'y ynkleudhyas yn y vedh y honan. Pobel an tir a gemmeras Yehoahaz mab Yosia, ha'y untya ha'y wul myghtern yn le y das.

Ysay 22:16

Pandra eus dhis omma, ha piw eus dhis omma, ty dhe dreghi bedh yn-mes ragos dha honan omma, ow treghi bedh yn tyller ughel, hag ow kervya trigva y'n garrek?

Matthew 27:60

hag a'n gorras yn y vedh nowydh a wrussa y dreghi y'n garrek, ha wosa ev dhe rolya men bras a-dreus dhe dharas an bedh, yth eth yn-kerdh.

Luk 23:53

Hag ev a'n dug yn-nans, ha'y vaylya yn lien, ha'y worra yn bedh treghys y'n garrek ma na via denvyth bythkweth ynkleudhys ynno.

Yowann 19:42

Ytho, drefenn dydh Darbar an Yedhewon, ha rag bos an bedh ogas, i a worras Yesu ena.

Yowann 20:15

Yn-medh Yesu dhedhi, ‘A venyn, prag yth oelydh? Piw a hwilydh?’ Hi, ow tybi y vos an lowarther, a leveris dhodho, ‘Syrra, mar kwrussys y dhoen dhe-ves, lavar dhymm le ma'n gorrsys, ha my a'n kemmer.’