Yowann 19:29 - An Bibel Kernewek 20234 (Kernewek Kemmyn)

²⁹ Yth esa lester re beu gorrys ena, leun a aysel; ytho i a worras spong leun a'n aysel war hyssop ha'y brofya dh'y anow.

Yowann 19:29 Iomraidhean Croise

1 Myghternedh 4:33

Ev a gewsi a wydh, dhiworth an keder usi yn Lebanon bys y'n hyssop a dyv y'n fos; ev a gewsi a enyvales, hag ydhyn, ha kramviles, ha puskes.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Eksodus 12:22

Kemmerewgh tyskenn hyssop ha'y troghya y'n goes usi y'n skudell, ha tochya penn an daras ha'n dhew bost-daras gans neppyth a'n goes usi y'n skudell; ha ny wra nagonan ahanowgh mos yn-mes a dharas y ji bys y'n myttin.

Niverow 19:18

ena gour glan a wra kemmeres hyssop, ha'y dhroghya y'n dowr, ha'y skoellya war an tylda, ha war oll an daffar ha war an dus esa ena, ha warnodho neb a davas an askorn, po an den ledhys, po an den marow, po an bedh;

Matthew 27:34

i a ros dhodho dhe eva gwin kemmyskys gans bystel; mes wosa ev dh'y dastya, ny vynnas y eva.

Matthew 27:48

Ha dihwans onan anedha a boenyas dhe gavoes spong hag a'n lenwis a aysel ha'y worra war welenn ha'y ri dhodho dhe eva.

Matthew 27:50

Ena Yesu a armas arta gans lev ughel hag a dhaskorras an enev.

Mark 15:36

Ha nebonan a boenyas dhe lenwel spong a aysel, ha'y worra war gorsenn, ha'y ri dhodho dhe eva, ow leverel, ‘Gesewgh ni gweles mar teu Elias dh'y dhoen yn-nans!’

Luk 23:36

Ha'n soudoryon ynwedh a wrug ges anodho, ow tos ha profya dhodho aysel,