Yowann 19:25 - An Bibel Kernewek 20234 (Kernewek Kemmyn)

²⁵ Ogas dhe grows Yesu yth esa ow sevel y vamm ha hwoer y vamm, Maria gwreg Klopas, ha Maria Magdalena.

Yowann 19:25 Iomraidhean Croise

Matthew 12:46

Hag ev ow kewsel orth an routhow, otta, yth esa y vamm ha'y vreder ow sevel a-ves hag ow hwilas kewsel orto.

Mark 16:9

Ha pan o ev dasserghys a-varr y'n kynsa dydh a'n seythun, yth omdhiskwedhas yn kynsa dhe Varia Magdalena, may hwrussa tewlel seyth dyowl yn-mes anedhi.

Luk 2:35

– ha kledha a wan dha enev jy ynwedh – may fo diskwedhys prederow lies kolonn.’

Luk 23:49

mes oll y geskowetha, ha'n benynes a wrussa y holya dhiworth Galile, a sevi a-bell ha gweles an hwarvosow ma.

Luk 24:18

Hag onan anedha, henwys Kleopas, a worthybis ow leverel dhodho, ‘Osta jy an unn godriger yn Yerusalem neb na woer pandr'a hwarva ynni y'n dydhyow ma?’

Luk 8:2

ha benynes, neb re bia yaghhes a debel spyrysyon ha klevesow: Maria henwys Magdalena, may teuth yn-mes anedhi seyth dyowl,

Yowann 20:1

Y'n kynsa dydh a'n seythun, Maria Magdalena a dheuth dhe'n bedh a-varr myttin, pan o hwath tewl, ha hi a welas an men kemmerys dhiworth an bedh.