Yowann 19:24 - An Bibel Kernewek 20234 (Kernewek Kemmyn)

²⁴ Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Yowann 19:24 Iomraidhean Croise

2 Myghternedh 15:12

Ambos an Arloedh o hemma, a ros dhe Yehu, ‘Dha vebyon a esedh war dron Ysrael bys y'n peswora henedh.’ Hag yndella y hwarva.

Salmow 22:18

I a rann ow dillas yntredha, war ow gwisk i a dewl prenn.

Eksodus 28:32

Ynni hi a's tevydh igeryans rag an penn, ha bond gwiys a vydh dhe'n igeryans a-derdro, avel an igeryans yn hoberjon, ma na vo fregys.

Ysay 10:7

Mes nyns yw hemma y vodh, na ny breder y golonn yndella; mes yma yn y golonn dhe dhistrui ha dhe dreghi dhe-ves kenedhlow nag yns nebes.

Matthew 27:35

Ha pan y'n krowssons i a rannas y dhillas ow tewlel prenn.

Mark 15:24

Hag i a'n krowsyas, ha ranna y dhillas, ow tewlel prenn warnedha, pandr'a gemmerra pubonan.

Luk 23:34

Ha Yesu a leveris, ‘A Das, gav dhedha, rag ny wodhons pandr'a wrons.’ Hag i a rannas y dhillas ow tewlel prenn.

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”

Yowann 19:28

Wosa hemma, Yesu, ow kodhvos pup-tra lemmyn dhe vos kowlwrys, may fe kollenwys an skryptor, a leveris, ‘Yma syghes dhymm.’

Oberow 13:27

Rag an re trigys yn Yerusalem ha'ga rewloryon, drefenn na'n aswonnsons, na konvedhes lavarow an brofoesi yw redys pub sabot, orth y vreusi re's kollenwis.