Yowann 19:11 - An Bibel Kernewek 20234 (Kernewek Kemmyn)

¹¹ Yesu a worthybis, ‘Ny via dhis maystri warnav mar ny ve res dhis a wartha; rakhenna yma dhe neb a'm daskorras dhis an brassa pegh.’

Yowann 19:11 Iomraidhean Croise

1 Kroniklys 29:11

Dhiso jy, A Arloedh, yw an braster, ha'n nerth, ha'n glori ha'n splannder, rag dhiso jy yw pup-tra yn nev ha nor. Dhiso jy, A Arloedh, yw an myghternsys, hag ughelhes os avel penn dres pup-tra.

Salmow 39:9

Avlavar en vy, ny igeris vy ow ganow, rag ty yw neb a wrug hemma.

Salmow 62:11

Unnweyth re gewsis Duw, my re glewas hemma diwweyth: bos galloes dhe Dhuw.

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Daniel 4:17

Der ordenans an woelysi yw an vreus, ha dre gows an syns yw an ervirans, rag may konvettho an re vew bos an Ughella rewler yn gwlaskor mab-den; hag ev a's re dhe'n neb a vynn, hag a sett warnedhi an isella a dus.”

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Daniel 5:21

Ev a veu herdhys pell a vab-den, ha'y vrys a veu gwrys avel best, ha'y annedh o gans an asenes gwyls; i a ros dhodho gwels dhe dhybri avel oghen, ha glyb o y gorf gans gluth a nev, bys pan gonvedhas bos an Duw Ughella ow rewlya gwlaskor mab-den, hag a sett warnodho neb a vynn.

Matthew 26:65

Ena an arghoferyas a skwardyas y dhillas ow leverel, ‘Ev re wrug blasfemi, py edhomm eus dhyn a voy a dhustunioryon? Otta, hwi re glewas an blasfemi.

Matthew 27:2

ha wosa i dh'y gelmi, i a'n dug yn-kerdh ha'y dhaskorr dhe Pilat an governour.

Matthew 6:13

Ha na wra agan dri yn temptasyon, mes delirv ni dhiworth drog.

Mark 14:44

Ha neb a'n traytas re rossa dhedha tokyn, ow leverel, ‘Piwpynag a wrylliv amma dhodho, henn yw ev; synsewgh ev fast, ha degewgh ev dhe-ves gans rach.’

Luk 22:53

Pub dydh yth esen vy genowgh y'n tempel, ha ny settsowgh dalghenn ynnov; mes hemm yw agas eur, ha nerth an tewlder.’

Yowann 18:13

Hag i a'n hembronkas dhe-ves yn kynsa dhe Annas, neb o hwegron Kayfas, neb o arghoferyas an vlydhen na.

Yowann 18:3

Yudas ytho, wosa kavoes bagas a soudoryon ha soedhogyon dhiworth an bennoferysi ha'n Fariseow, a dheuth di gans lugern ha faglennow hag arvow.

Yowann 19:10

Ytho yn-medh Pilat dhodho, ‘A ny gewsydh dhymm? A ny wodhes bos dhymm galloes dhe'th telivra, ha bos dhymm galloes dhe'th krowsya?’

Yowann 3:27

Yowann a worthybis ha leverel, ‘Ny yll den degemmeres travyth, marnas henna a vo res dhodho dhiworth an nevow.

Yowann 7:30

Rakhenna i a hwilas y dhalghenna, mes ny settyas denvyth dorn ynno, rag nyns o devedhys y eur ev.

Yowann 9:41

Yesu a leveris dhedha, ‘Mar pewgh dall, ny via dhywgh pegh; mes lemmyn hwi a lever, “Ni a wel”, ytho agas pegh a bes.’

Oberow 2:23

an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 4:28

rag gul an pyth a ragdhestnas dha leuv ha'th towl may fe gwrys.

Romanyon 11:36

Rag anodho ha dredho ha dhodho yma pup-tra. Dhodho re bo gordhyans bys vykken!

Romanyon 13:1

Bedhes pub enev gostydh dhe'n ughella routers. Rag nyns eus galloes marnas a Dhuw, ha'n re a gevir re beu ordenys gans Duw.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 4:17

Ytho neb a woer an pyth yw da dhe wul hag ev ny'n gwra, dhodho ev pegh yw.