Yowann 18:22 - An Bibel Kernewek 20234 (Kernewek Kemmyn)

²² Wosa ev dhe leverel hemma, onan a'n soedhogyon neb a sevi ena a ros hwatt dhe Yesu, ow leverel, ‘Yw yndella y hworthybis dhe'n arghoferyas?’

Yowann 18:22 Iomraidhean Croise

Job 16:10

Tus re lagattas orthiv, igerys aga ganow; i re'm gweskis orth ow bogh yn unn skornya; i re omguntellas war-barth er ow fynn.

Yeremia 20:2

Ena Pashhur a weskis Yeremia an profoes, ha'y worra yn stokkys esa yn Yet Benyamin wartha, esa yn chi an Arloedh.

Mika 5:1

Lemmyn kuntell dha vagasow a soudoryon, ty vyrgh a vagasow; omsettya a-dro dhyn a wrussons; gans gwelenn y hweskons bogh rewler Ysrael.

Mark 14:65

Ha re a dhallathas trewa warnodho; ha kudha y fas i a wrug, ha'y gronkya, ha leverel dhodho, ‘Gwra profoesa’, ha'n withysi a'n kemmeras, gans hwattys.

Yowann 18:21

Prag y hwovynnydh orthiv? Govynn orth an re a glewas pandr'a leveris dhedha. Otta, i a woer pandr'a leveris.’

Yowann 18:3

Yudas ytho, wosa kavoes bagas a soudoryon ha soedhogyon dhiworth an bennoferysi ha'n Fariseow, a dheuth di gans lugern ha faglennow hag arvow.

Yowann 19:3

hag yth esens ow tos dhodho ha leverel, ‘Hayl, myghtern an Yedhewon!’ hag ow ri dhodho hwattys.