Yowann 17:2 - An Bibel Kernewek 20234 (Kernewek Kemmyn)

² kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 17:2 Iomraidhean Croise

Salmow 110:1

An Arloedh a leveris dhe'm Arloedh, ‘Esedh orth ow leuv dhyghow, erna wrylliv dha eskerens dha skavell-droes.’

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Matthew 11:27

Pup-tra oll a veu delivrys dhe'm charj gans ow Thas, ha denvyth ny aswonn an Mab saw an Tas, na ny aswonn denvyth an Tas saw an Mab ha neb may fynno an Mab y dhiskwedhes dhodho.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Yowann 17:24

A Das, my a vynn an re a resys dhymm i ynwedh dhe vos genev vy le mayth esov, rag may hwellons ow glori a resys dhymm, rag ty a'm karas kyns gwrians an bys.

Yowann 17:6

‘My re dhiskwedhas dha hanow dhe'n dus a resys dhymm yn-mes a'n bys. Dhiso jy yth ens, ha ty a's ros dhymm, hag i re withas dha er.

Yowann 17:9

Ragdha i y pysav, ny bysav rag an bys mes rag an re a resys dhymm, rag dhiso jy yth yns,

Yowann 3:35

An Tas a gar an Mab hag ev re ros pup-tra yn y dhorn.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:37

Pup-tra a re an Tas dhymm a dheu dhymm, ha piwpynag a dheffo dhymm, ny wrav vy nevra y dewlel mes.

Yowann 6:39

Ha hemm yw bolonjedh neb a'm dannvonas, ma na wrylliv kelli travyth a bup-tra re ros ev dhymm, mes y dhrehevel yn-bann dydh fin.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

1 Korinthianys 15:25

Rag res yw dhodho reynya bys pan worro oll y eskerens yn-dann y dreys.

Efesianys 1:20

a wrug ev yn Krist, orth y dhrehevel a'n re varow, ha'y worra dhe esedha a-dhyghow dhodho y'n tylleryow nevek,

Filippianys 2:10

yn hanow Yesu may plekkya pub glin, an re yn nev, an re war an nor, ha'n re yn-dann an nor,

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

1 Peder 3:22

usi a dhyghow dhe Dhuw, gyllys yn nev, gans eledh ha potestatys ha nerthow gwrys gostydh dhodho ev.

1 Yowann 1:2

rag an bewnans a veu diskwedhys ha ni re'n gwelas ha dustunia ha leverel dhywgh, an bewnans heb diwedh esa gans an Tas hag a veu diskwedhys dhyn –

1 Yowann 2:25

Ha hemm yw an ambos re ambosas dhyn, bewnans heb diwedh.

1 Yowann 5:20

Ha ni a woer re dheuth Mab Duw ha re ros dhyn konvedhes, dhe aswonn neb yw gwiryon; hag yth eson ynno ev yw gwiryon, yn y Vab Yesu Krist. Hemm yw an gwir Dhuw ha bewnans heb diwedh.

Lyther Yud 1:21

omwithewgh yn kerensa Duw, ow kwaytya tregeredh agan Arloedh Yesu Krist bys yn bewnans heb diwedh.