Yowann 16:7 - An Bibel Kernewek 20234 (Kernewek Kemmyn)

⁷ Mes my a lever dhywgh an gwiryonedh, gwell dhywgh yw, my dhe vos yn-kerdh. Rag mar nyns av yn-kerdh, ny dheu an Konforter dhywgh; mes mars av, my a'n dannvon dhywgh.

Yowann 16:7 Iomraidhean Croise

Salmow 68:18

Ty re yskynnas y'n ughelder, ty re hembronkas prisnoryon, ty re dhegemmeras rohow yn mysk tus, hag yn mysk an re worth, rag may trykko an Arloedh Duw ena.

Luk 24:49

Hag otta, my a dhannvon dedhewadyow ow Thas warnowgh; mes hwi, gortewgh y'n sita bys pan vowgh gwiskys gans galloes dhiworth an ughelder.’

Luk 4:25

Mes dhe wir my a lever dhywgh, yth esa lies gwedhwes yn dydhyow Elias yn Ysrael, pan veu an nev kes teyr blydhen ha hwegh mis, may feu divoetter meur war oll an tir.

Luk 9:27

Mes yn hwir y lavarav dhywgh, yma rann a'n re ow sevel omma na dastyons ankow erna wellons gwlaskor Duw.’

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 14:28

Hwi re glewas my dhe leverel dhywgh, yth av dhe-ves, ha my a dhehwel dhywgh. Mara'm karrewgh, lowenhe a wrussewgh, my dhe vos dhe'n Tas, rag ow Thas yw brassa agesov vy.

Yowann 14:3

Ha mar kwrav vy mos ha pareusi tyller ragowgh, my a dhehwel arta ha'gas kemmeres dhymm ow honan, may fowgh hwi ynwedh y'n tyller mayth esov vy.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 16:8

Ha pan dheu ev, ev a guhudh an bys a-dro dhe begh, hag a-dro dhe ewnder, hag a-dro dhe vreus.

Yowann 7:39

Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Oberow 10:34

Ha Peder a igoras y anow ha leverel, ‘Yn hwir, my a gonvedh na syns Duw denvyth a-ugh y gila,

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

2 Korinthianys 4:17

Rag yma agan galar ydhil na dhur marnas dres pols ow kwaynya ragon ni poes a wolewder a dhur bynitha, dres musur oll,