Yowann 16:21 - An Bibel Kernewek 20234 (Kernewek Kemmyn)

²¹ Benyn pan vo hi yn lavur a's teves tristyns, rag bos devedhys hy eur; mes pan yw genys an flogh gensi, ny berth hi kov a'n payn na fella, drefenn an lowena, bos den genys y'n bys.

Yowann 16:21 Iomraidhean Croise

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

Job 11:16

Ty a ankev dha anken; ty a berth kov anodho kepar ha dowrow re dremenas.

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 66:7

Kyns bos yn gloesow hi a dhineythis, kyns es dell dheuth payn warnedhi hi a dhineythis mab.

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Mika 4:9

Ytho, prag y kriydh jy yn ughel? A nyns eus genes myghtern? A verwis dha gusulyador, ma'th synsis gloesow avel benyn ow tineythi?

Galatianys 4:27

Rag skrifys yw, ‘Lowenha, ty anvap, neb na dhineyth, tardh yn garmow a lowena, ty na lavur yn genesigeth, rag yma lies flogh dhe'n venyn forsakys, moy es hy ben neb a's teves gour.’

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.