Yowann 16:13 - An Bibel Kernewek 20234 (Kernewek Kemmyn)

¹³ Mes pan dheu ev, an Spyrys a wiryonedh, ev a'gas hembronk yn gwiryonedh oll; rag ny gews a'y awtorita y honan, mes ev a gews an pyth a glew, hag ev a dheriv dhywgh an taklow a dheu.

Yowann 16:13 Iomraidhean Croise

Ysay 11:2

Spyrys an Arloedh a bowes warnodho, spyrys furneth ha konvedhes, spyrys kusul ha nerth, spyrys skians hag own an Arloedh.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Yowann 12:49

Rag ny gewsis vy ahanav ow honan, mes an Tas a'm dannvonas, ev a ros dhymm gorhemmynn, pandra dhe leverel ha pandra dhe gewsel.

Yowann 14:17

an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 16:12

‘Yma dhymm hwath lies tra dhe leverel dhywgh, mes ny yllowgh aga ferthi lemmyn.

Yowann 3:32

An pyth re welas ha re glewas, ev a dheg dustuni anodho, ha denvyth ny dhegemmer y dhustuni.

Yowann 8:38

My a gews an pyth re welis vy a-rag ow Thas vy; ha hwi a wra an pyth re welsowgh gans agas tas hwi.’

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Oberow 20:23

marnas an Spyrys Sans a dheg dustuni dhymm yn pub sita, ow leverel bos kolmow ha galarow orth ow gortos.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

2 Thessalonianys 2:12

may fo breusys pub den oll na wrug krysi an gwir, mes a gavas plesour yn kammhynseth.

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

Ebrowyon 1:1

Yn lies fordh hag yn lies gis, Duw a gewsis y'n kothenep dh'agan tasow der an brofoesi;

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

1 Yowann 5:6

Hemm yw neb a dheuth dre dhowr ha dre woes, Yesu Krist; ha nyns o unnsel dre dhowr, mes dre dhowr ha dre woes. Ha'n Spyrys yw an dustunier, rag an Spyrys yw gwirder.

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 1:19

Ytho skrif an pyth a welsys, ha'n pyth yw, ha'n pyth a hwyrvydh wosa an taklow ma.