Yowann 15:8 - An Bibel Kernewek 20234 (Kernewek Kemmyn)

⁸ Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Yowann 15:8 Iomraidhean Croise

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Haggay 1:8

Yskynnewgh an menydh ha dri prenn ha drehevel an chi may kyffiv plesour ynno ha bos enorys, yn-medh an Arloedh.

Matthew 5:16

Yndella re derlentro agas golow a-rag tus may hwellons agas oberow da ha gordhya agas Tas eus y'n nevow.

Matthew 5:44

Mes my a lever dhywgh, Kerewgh agas eskerens ha pysewgh rag an re a wra agas helghya,

Matthew 9:8

Ha'n routhow pan y'n gwelsons a veu kemmerys gans own hag a wordhyas Duw neb re wrussa grontya kemmys galloes dhe dus.

Luk 6:35

Mes hwi kerewgh agas eskerens ha gul da ha ri kendon heb gwaytyas attal vytholl, ha meur vydh agas gober, ha hwi a vydh mebyon an Ughella; rag kuv yw ev orth an re nag yw grasek ha'n re dhrog.

Yowann 13:35

Dre hemma pub den oll a woer hwi dhe vos dyskyblon dhymm, mars eus dhywgh kerensa an eyl orth y gila.’

Yowann 15:5

My yw an gwinbrenn, hwi an skorrennow. Neb a drig ynnov vy ha my ynno ev, ev a dheg meur a frut, rag hebov vy, ny yllowgh gul travyth.

Yowann 8:31

Ena Yesu a leveris dhe'n Yedhewon a grysis ynno, ‘Mar pesyowgh y'm ger, yth owgh hwi yn hwir ow dyskyblon,

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

1 Korinthianys 6:20

rag prenys a bris vewgh. Gordhyewgh Duw, ytho, yn agas korf.

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Titus 2:10

heb ladra, mes ow tiskwedhes pub lelder da, mayth afinnons dyskas Duw agan Selwador yn pup-tra.

Titus 2:5

dhe vos fur, chast, bysi y'n chi, gostydh orth aga gour i, ma na vo ger Duw despitys.

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

1 Peder 4:11

Den mar kews, kewses ev lavarow Duw; den mar konis, gonedhes gans nerth yw res gans Duw, may fo Duw gordhys yn pup-tra dre Yesu Krist, dhe neb re bo gordhyans ha nerth, trank heb worfenn. Amen.