Yowann 15:4 - An Bibel Kernewek 20234 (Kernewek Kemmyn)

⁴ Trigewgh ynnov vy, ha my ynnowgh hwi. Dell na yll an skorrenn doen frut hy honan marnas hi a drig y'n gwinbrenn, yndella ny yllowgh hwi, marnas hwi a drig ynnov vy.

Yowann 15:4 Iomraidhean Croise

An Gan a Ganow 8:5

Piw yw hemma, ow tos yn-bann dhiworth an gwylvos, ow poesa war hy haradow? Yn-dann an avalenn my a'th wrug dhe dhifuna; ena dha vamm a'th tineythis, ena yth esa hi yn lavur neb a'th omdhuk.

Hosea 14:8

A Efraym, pandr'yw imajys hwath dhymmo vy? My a worthyp dhodho, ha'y witha. My yw avel merywenn las; dha frut a dheu a-dhiworthiv.

Matthew 12:33

‘Poken gwrewgh an wydhenn dhe vos da ha'y frut da, po gwrewgh an wydhenn dhe vos podredhek ha'y frut podredhek, rag dre hy frut yth yw an wydhenn aswonnys.

Luk 8:15

Mes an dra y'n tir da, yth yns i an re a glew an ger gans kolonn len ha da ha'y witha, ha doen frut gans perthyans.

Yowann 14:20

Y'n jydh na hwi a wodhvydh my dhe vos y'm Tas, ha hwi ynnov vy, ha my ynnowgh hwi.

Yowann 17:23

my ynna i, ha ty ynnov vy, may fons i gwrys perfydh yn onan, may hwodhvo an bys ty dhe'm dannvon, ha'ga hara i kepar dell wrussys ow hara vy.

Yowann 6:56

Piwpynag a dheppro ow hig hag eva ow goes a drig ynnov vy, ha my ynno ev.

Yowann 8:31

Ena Yesu a leveris dhe'n Yedhewon a grysis ynno, ‘Mar pesyowgh y'm ger, yth owgh hwi yn hwir ow dyskyblon,

Oberow 11:23

Pan dheuth ha gweles gras Duw ev a lowenhas, hag ev a ynnias war bubonan anedha bos lel dhe'n Arloedh, furv aga holonn,

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

2 Korinthianys 13:5

Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 2:6

Rakhenna, dell dhegemmersowgh Krist Yesu an Arloedh, gwrewgh kerdhes ynno,

1 Thessalonianys 3:5

Rakhenna pan na wrugavy perthi na fella, my a dhannvonas dhe wodhvos agas fydh, rag own a'n tempter dh'agas previ yn neb maner ha'gan lavur dhe bos euver.

Ebrowyon 10:39

Mes nyns on ni a'n re a gildenn ha mos dhe goll, mes a'n re a's teves fydh ha gwitha aga enev.

1 Yowann 2:6

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

2 Yowann 1:9

Piwpynag ello re bell yn-rag, heb triga yn dyskas Krist, nyns eus dhodho Duw. Neb a drig y'n dyskas, yma dhodho keffrys an Tas ha'n Mab.