Yowann 15:24 - An Bibel Kernewek 20234 (Kernewek Kemmyn)

²⁴ Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Yowann 15:24 Iomraidhean Croise

Salmow 81:15

An re a gas an Arloedh a omwrussa gostydh dhodho, ha'ga thermyn a via bys vykken.

Eksodus 20:5

Na ombleg a-ragdha na'ga servya; rag my an Arloedh dha Dhuw yw Duw avius, ow kessydhya kammweyth an tasow war an fleghes bys an tressa ha peswora henedh a'n re a'm kas,

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 21:32

Rag Yowann a dheuth dhywgh yn fordh ewnder ha ny wrussowgh krysi dhodho, mes an dolloryon ha'n horys a grysis dhodho; mes hwi hwath ow kweles henna ny'gas teva edrek a-wosa, na krysi dhodho.

Matthew 9:33

Ha pan veu an jowl tewlys yn-mes, an avlavar a gewsis. Ha'n routhow a's teva marth ha leverel, ‘Bythkweth ny veu gwelys tra a'n par ma yn Ysrael.’

Mark 2:12

Hag ev a sevis, hag ow kemmeres an gweli yn-bann a-dhesempis, ev eth yn-mes dherag a-wel anedha i oll, mayth esa marth dhedha i oll, ow kordhya Duw, ha leverel, ‘Bythkweth ny welsyn travyth a'n par ma.’

Luk 24:19

Hag yn-medh ev dhedha, ‘Pandra?’ Yn-medhons dhodho, ‘A-dro dhe Yesu a Nazareth, neb o profoes galloesek yn gweythres hag yn ger a-rag Duw hag oll an bobel,

Yowann 10:32

Yesu a worthybis dhedha, ‘My re dhiskwedhas dhywgh lies ober da dhiworth an Tas; rag py ober anedha y fynnowgh ow labydha?’

Yowann 10:37

Mar ny wrav oberow ow Thas, na grysewgh ynnov.

Yowann 12:10

Mes an bennoferysi a dewlis towl dhe ladha Lazarus ynwedh,

Yowann 12:45

hag ev neb a'm gwel vy a'n gwel ev neb a'm dannvonas.

Yowann 14:9

Yn-medh Yesu dhodho, ‘Esen vy genowgh termyn mar hir, ha ny'm aswonnsys, Felip? Neb re'm gwelas vy re welas an Tas; ha fatell leverydh, “Diskwa dhyn an Tas”?

Yowann 15:21

Mes oll an taklow ma a wrons dhywgh a-barth ow hanow, rag ny'n aswonnons neb a'm dannvonas.

Yowann 15:22

Mar ny wrellen vy dos ha kewsel orta, ny's tevia pegh; mes lemmyn nyns eus dhedha askus, dre reson aga fegh.

Yowann 15:23

Ev neb a'm kas a gas ow Thas ynwedh.

Yowann 16:9

A-dro dhe begh, rag ny grysons ynnov;

Yowann 3:2

ev a dheuth dhodho yn nos ha leverel dhodho, ‘Rabbi, ni a woer ty dhe vos dyskador devedhys dhiworth Duw; rag ny yll denvyth gul an toknys ma a wredh tejy marnas Duw a vo ganso.’

Yowann 5:36

Mes yma dhymm dustuni brassa es dell esa dhe Yowann; rag an oberow a ros dhymm an Tas dhe gowlwul, an oberow na a wrav, i a dheg dustuni ahanav, an Tas dhe'm dannvon.

Yowann 6:36

Mes my a leveris dhywgh, hwi re'm gwelas, ha ny grysowgh.

Yowann 7:31

Ha lies a'n routh a grysis ynno ha leverel, ‘Pan dheu an Krist, a wra ev toknys moy es dell wra an den ma?’

Yowann 9:32

A dhalleth an bys, ny veu klewys denvyth dhe igeri dewlagas den neb a veu genys dall.

Yowann 9:41

Yesu a leveris dhedha, ‘Mar pewgh dall, ny via dhywgh pegh; mes lemmyn hwi a lever, “Ni a wel”, ytho agas pegh a bes.’

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Romanyon 1:30

sklandroryon, kasoryon Duw, tus ow tespitya, tus arvedhus, tus valgh, bostoryon, towloryon droktra, diwostydh dhe gerens,

Dewteronomi 5:9

Na ombleg a-ragdha na'ga servya; rag my an Arloedh dha Dhuw yw Duw avius, ow tri kessydhyans kammweyth an tasow war an fleghes bys y'n tressa ha peswora henedh a'n re a'm kas,

2 Timothi 3:4

traytours, dibreder, omhwythys, karoryon plesour moy es karoryon Duw,

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.