Yowann 15:2 - An Bibel Kernewek 20234 (Kernewek Kemmyn)

² Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Yowann 15:2 Iomraidhean Croise

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 92:14

I a dheg frut hwath yn aga hothni, hag y fydhons yr ha glas,

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 27:9

Rakhenna, yndellma anewnder Yakob a vydh prenys, ha hemma a vydh an frut leun ow treylya dhe-ves y begh: pan worr oll meyn an alter avel meyn krey dralyes, ny sev Asherim nag alteryow ynkys.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Daniel 11:35

Darn a'n re fur a drebuch, rag may fons prevys, purhes ha kannyes, bys yn prys an diwedh, rag hemm yw hwath rag an prysweyth ordenys.

Hosea 6:3

Ytho re aswonnyn ni, re hwillyn dhe aswonn an Arloedh. Y dhevedhyans yw mar sur avel an bora; ev a dheu dhyn avel an glaw, avel an glaw diwedhes a dhowrha an tir.

Malaki 3:3

Ev a esedh dhe lanhe ha dhe burhe arghans; ev a wra glanhe mebyon Levi hag ev a's purha avel owr hag arghans, hag i a dhre dhe'n Arloedh offrynn yn ewnder.

Matthew 13:12

Rag neb a bewvo, dhodho ev y fydh res, hag ev a'n jevydh lanwes; mes neb na bewvo, y fydh kemmerys a-dhiworto ynwedh an pyth a bew.

Matthew 13:33

Parabolenn arall y leveris dhedha: ‘Gwlaskor nev yw haval dhe woell, a gemmeras benyn ha'y gemmyska yn tri musur a vleus bys pan wrug dhe oll an toes sevel.’

Matthew 15:13

Ev a worthybis ow leverel, ‘Pub losowenn na wrug ow Thas a nev hy flansa a vydh diwreydhys.

Matthew 21:19

Hag ow kweles unn figbrenn ryb an fordh, ev a dheuth dhodho, mes ny gavas travyth warnodho saw unnsel delyow, hag yn-medh ev dhodho, ‘Na dhes frut dhiworthis na fella bys vykken!’ Ha dihwans an figbrenn a wedhras.

Matthew 25:29

Rag dhe beub a bewvo, y fydh res, hag ev a'n jevydh lanwes; mes neb na bewvo mann, dhiworto ev y fydh kemmerys ynwedh an pyth a bew.

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Matthew 3:12

Yn y leuv yma an gwynsell, hag ev a lanha yn tien y leur-drushya ha kuntell y waneth dhe'n skiber, mes an us ev a'n lesk gans tan na yllir y dhifeudhi.’

Matthew 7:19

Pub gwydhenn na dheg frut da a vydh treghys dhe'n dor ha tewlys y'n tan.

Mark 4:20

Ha'n re na yw an re a veu hesys yn tir da, neb a glew an ger hag a'n degemmer, hag a dheg frut, re deg warn ugens, re tri-ugens, ha re kansplek.’

Luk 8:13

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Yowann 15:1

‘My yw an gwir winbrenn ha'm Tas yw an tiek.

Yowann 15:16

Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:3

Hwi yw glan seulabrys, drefenn an ger a gewsis dhywgh.

Yowann 15:6

Piwpynag na drikko ynnov yw tewlys dhe-ves kepar ha skorrenn, hag a wedher; tus a wra aga huntell, ha'ga thewlel y'n tan, ha leskys yns.

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Yowann 17:12

Pan esen gansa, my a's synsis y'th hanow jy hag a resys dhymm, ha my a's gwithas, ha ny veu denvyth anedha kellys, marnas an mab a dhiswrians, may fe kollenwys an skryptor.

Romanyon 11:17

Mes mar pe rann a'n skorrennow terrys dhe-ves ha ty, olewenn woedh, ympys yn aga le dhe gevrenna yn gwreydhenn ha sugen an olewenn,

Romanyon 11:22

Gwel ytho kuvder hag sevureth Duw; sevureth a'n eyl tu orth an re re goedhas hag a'y gila kuvder Duw orthis, mar pesydh yn y guvder, poken y fydhydh treghys dhe-ves ynwedh.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 13:1

Mar lavarren yn tavosow a dus hag a eledh, ha my heb kerensa, brest ughel y son po symbal ow tynkyal y fien.

Titus 2:14

neb a omros ragon ni may hwrella agan dasprena dhiworth pub ober dilagha ha glanhe ragdho pobel dh'y berghennogeth y honan, diwysyk yn gwriansow da.

Ebrowyon 12:15

Gwaytyewgh ma na fallo nagonan a gavoes gras Duw; ma na eginno gwreydhenn hwerowder ha gul kedrynn, dredhi may teffo lies ha bos defolys;

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.