Yowann 15:18 - An Bibel Kernewek 20234 (Kernewek Kemmyn)

¹⁸ ‘Mar kwra an bys agas kasa, hwi a woer ev dhe'm kasa vy kyns es agas kasa hwi.

Yowann 15:18 Iomraidhean Croise

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

Lavarow Koth 29:27

Gour anewn yw tra gasadow dhe'n re wiryon, mes an re ewnhynsek yw tra gasadow dhe'n tebelwas.

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Ysay 66:5

Klewewgh ger an Arloedh, hwi neb a gren orth y er: Agas breder neb a'gas kas ha'gas eskeas a-barth ow hanow re lavarsons, ‘Bedhes an Arloedh glorifiys, rag may hwellyn agas lowena!’ Mes i aga honan a gemmer meth.

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Matthew 10:22

Ha hwi a vydh kesys gans pub den oll a-barth ow hanow, mes neb a dhur bys y'n diwedh, ev a vydh selwys.

Matthew 24:9

‘Ena i a'gas daskorr dhe dorment ha'gas ladha ha hwi a vydh kesys gans oll an kenedhlow, a-barth ow hanow vy.

Matthew 5:11

‘Gwynn agas bys pan y'gas despityons ha'gas helghya ha leverel pub eghenn a dhrog gans gow er agas pynn a-barth dhymmo vy.

Mark 13:13

hag y fydhowgh kesys gans pub den oll a-barth ow hanow vy. Mes neb a dhur bys y'n diwedh, ev a vydh selwys.

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Yowann 16:1

‘My re leveris dhywgh an taklow ma, rag na wryllowgh trebuchya.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Yowann 3:20

Rag seul a wra drog a gas an golow, ha ny dheu dhe'n golow, ma na vo diskudhys y oberow.

Yowann 7:7

Ny yll an bys agas kasa, mes ev a'm kas, rag my a dheg dustuni anodho, y wriansow dhe vos drog.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

1 Yowann 3:1

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

1 Yowann 3:13

Na vedhewgh sowdhenys, A vreder, mara'gas kas an bys.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.