Yowann 15:16 - An Bibel Kernewek 20234 (Kernewek Kemmyn)

¹⁶ Ny wrussowgh hwi ow dewis vy, mes my re'gas dewisas hwi, ha'gas apoyntya mayth yllowgh ha doen frut, ha may hwrello agas frut durya; may rollo ow Thas dhywgh pypynag a wovynnowgh dhiworto y'm hanow vy.

Yowann 15:16 Iomraidhean Croise

Jenesis 18:18

a-ban vydh Abraham ow tos ha bos kenedhel vras ha galloesek yn sur, hag a-ban vydh pub kenedhel a'n nor bennigys dredho?

Salmow 145:4

Unn henedh a wormel dha oberow dhe'n nessa, ha derivas dha wriansow nerthek.

Salmow 71:18

Ha lemmyn y'm henys, ha loes ow blew, A Dhuw, na wra ow forsakya, erna dheriffiv dha alloes dhe'n kenedhel ma, dha nerth dhe bub henedh a dheu.

Lavarow Koth 11:30

Froeth an den gwiryon yw gwydhenn a vewnans, mes neb a wayn enevow yw fur.

Ysay 27:6

Y'n termyn a dheu, gwreydhya a wra Yakob, Ysrael a egin ha bleujyowa ha lenwel enep an nor a frut.

Mika 5:7

Ena remenant Yakob yn mysk lies pobel, a vydh avel gluth a'n Arloedh, avel kowasow war an gwels, na's teves govenek yn gour na ny wortons mebyon den.

Matthew 21:22

ha pypynag oll a wovynnowgh yn pysadow gans fydh, hwi a'n kyv.’

Matthew 7:7

‘Govynnewgh hag y fydh res dhywgh, hwilewgh ha hwi a gyv, knoukyewgh hag y fydh igerys dhywgh;

Luk 6:13

Ha devedhys an jydh, ev a elwis y dhyskyblon dhodho, ha dewis dewdhek dhiworta, hag ynwedh ev a's henwis abesteli,

Yowann 13:18

Ny gowsav ahanowgh hwi oll; my a woer piw a dhewisis; mes hemm yw rag may fo an skryptor kollenwys, “Ev neb a dhybris bara genev re dhrehevis y wewenn er ow fynn.”

Yowann 15:19

Mar pewgh a'n bys, an bys a garsa y dus y honan; mes rag nyns owgh a'n bys, mes my re'gas dewisas dhiworth an bys, rakhenna an bys a'gas kas.

Yowann 15:5

My yw an gwinbrenn, hwi an skorrennow. Neb a drig ynnov vy ha my ynno ev, ev a dheg meur a frut, rag hebov vy, ny yllowgh gul travyth.

Yowann 6:70

Yesu a worthybis dhedha, ‘A ny wrugavy agas dewis, agas dewdhek? Hag onan ahanowgh yw dyowl.’

Oberow 1:24

I a bysis ha leverel, ‘Ty, Arloedh, neb a aswonn kolonnow tus oll, diskwa pyneyl re dhewissys

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;

Oberow 22:14

Hag yn-medh ev, “Duw agan tasow re'th tewisas seulabrys rag aswonn y vodh ha gweles an Gwiryon ha klewes lev yn-mes a'y anow,

Oberow 9:15

Mes an Arloedh a leveris dhodho, ‘Ty ke, drefenn bos hemma ow mayn dewisys rag doen ow hanow a-dherag an Jentilys ha myghternedh ha mebyon Ysrael;

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 1:5

may kemmersyn gras hag abostolieth dredho rag dri gostytter fydh yn mysk oll an kenedhlow a-barth y hanow ev,

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Romanyon 9:21

A nyns eus dhe'n gweythor-pri maystri war an pri dhe wruthyl a'n keth tamm an eyl lester rag enor ha'y gila rag disenor?

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 1:6

a dheuth dhywgh hwi, kepar hag yn oll an bys hi a dheg frut ha tevi, kepar dell dyv ynnowgh hwi ynwedh, dhiworth an jydh may klewsowgh ha godhvos gras Duw yn gwirder;

1 Timothi 2:7

Rakhenna my a veu ordenys herot hag abostol (an gwir a gowsav, nyns esov ow gowleverel), dyskador an Jentilys yn fydh ha gwiryonedh.

2 Timothi 1:11

rygdhi may feuv vy gwrys herot hag abostol ha dyskador.

2 Timothi 2:2

ha'n taklow a glewsys dhiworthiv dre lies test, gwra aga gorra yn charj dhe dus lel a vydh gwiw dhe dhyski tus erell ynwedh.

Titus 1:5

Rakhenna my a'th hasas yn Kreta mayth ordennes an taklow erell hag apoyntya henavogyon yn pub tre, dell erghis vy dhis,

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Jamys 3:18

Ha frut ewnder yw hesys yn kres rag an re a wra kres.

1 Peder 3:15

mes sanshewgh an Arloedh Krist yn agas kolonn. Bedhewgh parys pup-prys dhe wul defens dhe bub den a wovynn orthowgh a-dro dhe'n govenek usi ynnowgh,

1 Peder 3:2

hag i ow kweles agas bewedh glan hag ownek.

1 Yowann 4:10

Yn hemma yw kerensa, nyns yw ni dhe gara Duw, mes ev dhe dhannvon y Vab dhe vos an dehwelyans rag agan peghosow.

1 Yowann 4:19

Ni a gar drefenn ev dh'agan kara kynsa.