Yowann 15:15 - An Bibel Kernewek 20234 (Kernewek Kemmyn)

¹⁵ Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Yowann 15:15 Iomraidhean Croise

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Lavarow Koth 18:24

Yma dhe wour kowetha a omwra bos kowetha, mes yma gwir goweth hag a len nes ages broder.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Luk 10:23

Hag ev a dreylyas troha'n dhyskyblon ha leverel yn priva, ‘Gwynnvys an dhewlagas a wel an taklow a welowgh hwi;

Yowann 12:26

Piwpynag a'm serfyo, gwres ev ow siwya; hag y'n tyller mayth esov, ena ynwedh y fydh ow servont. Piwpynag a'm serfyo, an Tas a wra y enora.

Yowann 13:16

Yn hwir, yn hwir y lavarav dhywgh, nyns yw an kethwas brassa es y vester, na nyns yw an gannas brassa es neb a'n dannvonas.

Yowann 15:20

Perthewgh kov a'n ger a gewsis dhywgh: Nyns yw an kethwas brassa es y vester. Mar kwrussons ow helghya vy, i a'gas helgh hwi ynwedh; mar kwrussons gwitha ow ger vy, ynwedh i a with agas ger hwi.

Yowann 16:12

‘Yma dhymm hwath lies tra dhe leverel dhywgh, mes ny yllowgh aga ferthi lemmyn.

Yowann 17:26

My a dherivas dhedha dha hanow, ha my a wra y dherivas, may fo ynna i an gerensa dredhi may hwrussys ow hara vy, ha my ynna i.’

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 4:19

Yn-medh an venyn dhodho, ‘Syrra, my a wel ty dhe vos profoes.

Yowann 8:26

Yma dhymm lies tra dhe leverel ha dhe vreusi a-dro dhywgh; mes neb a'm dannvonas yw gwir; ha'n pyth a glewis dhiworto, henna my a lever dhe'n bys.’

Oberow 20:27

rag ny omwithis vy rag derivas dhywgh oll an gusul a Dhuw.

Romanyon 7:15

Rag an pyth a wrav ny'n konvedhav; rag an pyth na vynnav y wul henna a wrav, mes an pyth a gasav hemma a wrav.

1 Korinthianys 2:16

‘Rag piw re gonvedhas brys an Arloedh may hwrello y gevarwoedha?’ Mes ni a'gan beus brys Krist.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

Kolossianys 1:26

an mysteri kudhys dhiworth an oesow ha'n henedhow, mes diskwedhys lemmyn dh'y syns,

Filemon 1:16

dhe vos na fella keth mes moy es keth, broder karadow, kyns oll dhymmo vy, mes pygemmys moy dhiso jy y'n kig keffrys hag y'n Arloedh.

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!

Jamys 2:23

Ha kollenwys veu an skryptor ow leverel, ‘Abraham a fydhyas yn Duw hag akontys veu hemma dhodho avel ewnder’, hag y'n gelwys, ‘Koweth Duw.’

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.

2 Peder 1:1

Simon Peder, gwas hag abostol Yesu Krist, Dhe'n re re gavas fydh drudh kehaval dh'agan fydh ni, yn ewnder agan Duw ha'gan Selwyas Yesu Krist:

Lyther Yud 1:1

Yud, gwas Yesu Krist, broder Jamys, Dhe'n re yw gelwys, karadow yn Duw an Tas ha gwithys rag Yesu Krist:

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,