Yowann 14:19 - An Bibel Kernewek 20234 (Kernewek Kemmyn)

¹⁹ Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 14:19 Iomraidhean Croise

Yowann 11:25

Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 12:35

Ena Yesu a leveris dhedha, ‘Hwath pols byghan yma an golow genowgh. Kerdhewgh hedre vo genowgh an golow, ma na wrello tewlder agas dalghenna. Neb a gerdh y'n tewlder ny woer ple'th a.

Yowann 13:33

A fleghes vyghan, hwath termyn berr yth esov genowgh. Hwi a'm hwila, ha dell leveris vy dhe'n Yedhewon, “Le mayth av ny yllowgh dos”, lemmyn my a'n lever dhywgh hwi.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 16:16

‘Unn pols byghan ha ny'm gwelowgh na fella, hag arta unn pols byghan ha hwi a'm gwel.’

Yowann 16:22

Hag ytho, hwi a'gas beus tristyns lemmyn; mes my a'gas gwel arta, ha'gas kolonn a lowenha, ha'gas lowena ny wra denvyth hy hemmeres dhiworthowgh.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

Yowann 7:33

Ytho Yesu a leveris, ‘Pols byghan yth esov vy hwath genowgh, hag ena yth av dhe neb a'm dannvonas.

Yowann 8:21

Yesu a leveris dhedha arta, ‘My a dhe-ves, ha hwi a vydh orth ow hwilas, ha hwi a verow yn agas pegh. Ple'th av, ny yllowgh dos.’

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;

Romanyon 5:10

Rag mars en unnverhes gans Duw, ha ni hwath eskerens, dre vernans y Vab, kemmys moy, wosa ni dhe vos unnverhes y fydhyn selwys gans y vewnans.

Romanyon 8:34

Piw a guhudh? Yesu Krist yw, neb a verwis, yn hwir, hag a veu drehevys a'n mernans, hag usi a'n dhyghowbarth dhe Dhuw, hag a bys ragon.

1 Korinthianys 15:20

Mes Krist yn hwir re beu drehevys dhiworth an re varow, kynsa frut an re a goskas.

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Diskwedhyans 20:4

Ha my a welas tronys, hag yth esa owth esedha warnedha an re a veu grontys breus dhedha; ha my a welas an enevow a neb re bia dibennys rag dustuni Yesu, ha rag ger Duw, na wrussa gordhya an best, na'y imaj, ha na wrussa degemmeres an merk war aga thal na'ga diwla, hag i a vewas ha reynya gans Krist mil vlydhen.