Yowann 14:17 - An Bibel Kernewek 20234 (Kernewek Kemmyn)

¹⁷ an Spyrys a wiryonedh, neb na yll an bys y dhegemmeres, rag ny'n gwel na ny'n aswonn. Mes hwi a'n aswonn, rag ev a drig genowgh hag ev a vydh ynnowgh.

Yowann 14:17 Iomraidhean Croise

Lavarow Koth 14:10

An golonn a aswonn hy hwerowder hy honan, ha nyns yw estren kevrennek a'y joy.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Ezekiel 36:27

My a worr ow Spyrys ynnowgh, ha gul dhywgh kerdhes y'm ordenansow, ha gwaytyas gwitha ow breusow.

Matthew 10:20

rag nyns yw hwi a gews mes Spyrys agas Tas neb a gews ynnowgh.

Yowann 14:16

Ha my a vynn govynn orth an Tas, hag ev a re dhywgh konforter arall, may hwrello gortos genowgh rag nevra,

Yowann 14:23

Yesu a worthybis ha leverel dhodho, ‘Piwpynag a'm karro a with ow geryow, ha'm Tas a'n karvydh, ha ni a dheu dhodho ha gul agan trigva ynno.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Yowann 16:13

Mes pan dheu ev, an Spyrys a wiryonedh, ev a'gas hembronk yn gwiryonedh oll; rag ny gews a'y awtorita y honan, mes ev a gews an pyth a glew, hag ev a dheriv dhywgh an taklow a dheu.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

1 Korinthianys 14:15

Pandr'a wrav vy, ytho? Pysi gans an spyrys my a wra, ha pysi gans an brys ynwedh; kana gans an spyrys my a wra, ha kana gans an brys ynwedh.

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 3:16

A ny wodhowgh hwi agas bos tempel Duw ha bos Spyrys Duw trigys ynnowgh?

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

2 Korinthianys 13:5

Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Galatianys 4:6

Drefenn agas bos mebyon, Duw a dhellos Spyrys y Vab bys yn agan kolonn, ow kria ‘Abba, a Das.’

Efesianys 2:22

ynno ev hwi ynwedh yw drehevys war-barth dhe vos trigva Duw y'n Spyrys.

Efesianys 3:17

may trikko Krist, dre fydh, yn agas kolonn, gwreydhys ha selys yn kerensa,

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

2 Timothi 1:14

Gwith an charj teg der an Spyrys Sans a drig ynnon.

1 Yowann 2:27

Mes an untyans re gevsowgh ganso a drig ynnowgh ha ny'gas beus edhomm a dhyskans gans denvyth: mes par dell wra an keth untyans ma agas dyski a-dro dhe bup-tra, ha'n untyans yw gwir, ha nyns yw gow, trigewgh ynno, dell re'gas dyskas.

1 Yowann 3:24

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

1 Yowann 4:4

A Dhuw yth esowgh hwi, A fleghigyow, ha hwi re's fethas: drefenn bos ynnowgh neb yw brassa ages neb usi y'n bys.

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

1 Yowann 5:7

Rag yma tri a dheg dustuni:

Diskwedhyans 2:17

Seul a'n jeffo skovarn, klewes ev an pyth a lever an Spyrys dhe'n eglosyow. Dhe neb a fettho y rov a'n manna kudhys dhe dhybri, ha ganso ev men gwynn a rov hag y'n men hanow nowydh skrifys, nag aswonn denvyth marnas ev a'n degemmer.