Yowann 14:12 - An Bibel Kernewek 20234 (Kernewek Kemmyn)

¹² Yn hwir, yn hwir y lavarav dhywgh, ev neb a grys ynnov vy, ev ynwedh a wra an oberow a wrav vy, hag oberow brassa agessa a wra, rag yth esov vy ow mos dhe'n Tas.

Yowann 14:12 Iomraidhean Croise

Matthew 21:21

Ha Yesu a worthybis ha leverel dhedha, ‘Yn hwir y lavarav dhywgh, mar pydh genowgh fydh heb hokya, ny wrewgh yn unnsel an dra gwrys dhe'n figbrenn, mes ynwedh mar leverewgh dhe'n menydh ma, “Ty bydh drehevys ha tewlys y'n mor”, henna a hwyrvydh;

Mark 11:13

Hag ow kweles figbrenn a-bell ha dhodho del, ev a dheuth dhe weles mar kaffa neppyth warnodho, ha pan dheuth dhodho, ny gavas travyth saw del; rag nyns esa termyn figys.

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Yowann 14:28

Hwi re glewas my dhe leverel dhywgh, yth av dhe-ves, ha my a dhehwel dhywgh. Mara'm karrewgh, lowenhe a wrussewgh, my dhe vos dhe'n Tas, rag ow Thas yw brassa agesov vy.

Yowann 16:7

Mes my a lever dhywgh an gwiryonedh, gwell dhywgh yw, my dhe vos yn-kerdh. Rag mar nyns av yn-kerdh, ny dheu an Konforter dhywgh; mes mars av, my a'n dannvon dhywgh.

Yowann 4:37

Rag yndella gwir yw an lavar, “Unn den yw an gonador, ha den arall yw an myser.”

Yowann 5:20

Rag an Tas a gar an Mab hag a dhiskwa dhodho pup-tra a wra ev y honan; hag ev a dhiskwa dhodho oberow moy es an re ma, rag may kemmerrowgh marth.

Yowann 7:33

Ytho Yesu a leveris, ‘Pols byghan yth esov vy hwath genowgh, hag ena yth av dhe neb a'm dannvonas.

Yowann 7:39

Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Oberow 10:46

rag i a's klewas ow kewsel yn tavosow hag ow meurhe Duw. Ena Peder a worthybis,

Oberow 16:18

Hi a wre hemma lies dydh. Mes Powl eth ha bos anniys meur, hag ow treylya ev a leveris dhe'n spyrys, ‘My a'th ergh yn hanow Yesu Krist dos yn-mes anedhi.’ Hag ev a dheuth yn-mes y'n keth eur na.

Oberow 19:12

may hwarva, pan veu dres dhe'n glevyon lienyow-dorn po apronyow ha re bia orth y groghen, aga klevesow a's gasas hag yth eth an drog spyrysyon yn-mes anedha.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 4:16

2ma 13 25 ow leverel, ‘Pandr'a yllyn ni dhe wul gans an dus ma? Rag apert yw oll dhe drigoryon Yerusalem bos tokyn marthys gwrys dredha, ha ny yllyn ni hy nagha,

Oberow 4:33

Ha gans nerth meur an abesteli a dhegi aga dustuni a dhasserghyans an Arloedh Yesu, hag yth esa gras meur warnedha i oll.

Oberow 4:4

Mes meur a'n re neb a glewas an ger a grysis, ha niver an wer a dheuth ha bos a-dro dhe bymp mil.

Oberow 5:15

Keffrys i a dhros yn-mes an glevyon y'n stretow, ha'ga gorra war weliow ha strelyow, may koettha skeus Peder dhe'n lyha war rann anedha hag ev ow passya.

Oberow 6:7

Ha ger Duw a devis, ha niver an dhyskyblon yn Yerusalem a veu kressys meur, hag yth esa routh vras a'n oferysi ow tos ha bos gostydh dhe'n fydh.

Oberow 8:7

Rag lies spyrys avlan a dheuth yn-mes a'n dus a's tevo, ow kria ughel aga lev; ha lies o palsyes po evredhek a veu yaghhes;

Oberow 9:34

Yn-medh Peder dhodho, ‘Ayneas, Yesu Krist a'th yaghha; sav yn-bann ha kempenn dha weli.’ Hag a-dhistowgh ev a sevis yn-bann.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,