Yowann 14:1 - An Bibel Kernewek 20234 (Kernewek Kemmyn)

¹ ‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:1 Iomraidhean Croise

Salmow 43:5

Prag yth osta mar dhigolonnek, ow enev, ha prag yth hanesydh a-bervedh ynnov? Trest yn Duw, rag my a'n gormel prest, selwyans ow fas, ha'm Duw.

Salmow 77:10

Ha my a leveris, ‘Hemm yw duwon dymm, leuv dhyghow an Ughella dhe vos treylys.’

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Yeremia 8:18

Nyns eus eli rag ow anken; ow holonn yw klav.

Yowann 11:33

Yesu ytho, pan y's gwelas owth oela, ha'n Yedhewon a dheuth gensi ynwedh owth oela, ev a veu movyes y'n spyrys, ha troblys;

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Yowann 12:44

Yesu a grias ha leverel, ‘Neb a grys ynnov vy, ny grys ynnov vy mes ynno ev neb a'm dannvonas,

Yowann 13:19

Lemmyn my a lever dhywgh kyns y hwarvos, rag may kryssowgh pan hwarva, my dh'y vos.

Yowann 16:24

Bys lemmyn ny wovynnsowgh travyth y'm hanow vy; govynnewgh ha hwi a dhegemmer, rag may fo agas lowena kollenwys.

Yowann 16:3

Ha hemma a wrons rag ny aswonnsons naneyl an Tas na my.

Yowann 16:6

Mes rag my dhe leverel hemma dhywgh, tristyns re lenwis agas kolonn.

Yowann 5:23

may hwrello peub enora an Mab, kepar dell enorons an Tas. Neb na enor an Mab ny enor an Tas neb a'n dannvonas.

Yowann 6:40

Rag hemm yw bolonjedh ow Thas: pubonan a wel an Mab ha krysi ynno a gyv bewnans heb diwedh, ha my a'n drehav dydh fin.’

2 Korinthianys 2:7

ytho lemmyn, yn le henna y tegoedh dhywgh gava dhodho ha'y gonfortya, ma na ve den a'n par na fethys dre alar re vras;

Efesianys 1:15

Rakhenna, my ynwedh, ow klewes a'gas fydh y'n Arloedh Yesu, ha'n gerensa war-tu ha'n syns oll,

2 Thessalonianys 2:2

na vewgh kryghyllys skav yn-mes a'gas brys nag amovys dre spyrys, na dre lavar, na dre lyther kepar ha pan ve dhiworthyn ni, ow terivas bos devedhys dydh an Arloedh.

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.