Yowann 13:8 - An Bibel Kernewek 20234 (Kernewek Kemmyn)

⁸ Yn-medh Peder dhodho, ‘Nevra ny wolghydh ow threys evy’ Yesu a worthybis dhodho, ‘Mar ny wrav vy dha wolghi, nyns eus dhis rann genev vy.’

Yowann 13:8 Iomraidhean Croise

Jenesis 42:38

Mes yn-medh ev, ‘Ny wra ow mab mos yn-nans genowgh, rag marow yw y vroder, ha nyns eus gesys marnas ev y honan. Mar hwer droglamm dhodho y'n fordh mayth esowgh ow mos, dre alar hwi a dhre ow blew loes yn-nans dhe'n bedh.’

2 Samuel 20:1

Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

Salmow 51:2

Golgh vy yn tien a'm anewnder, ha glanha vy dhiworth ow fegh.

Salmow 51:7

Purha vy gans hyssop ha glan vydhav; golgh vy, ha my a vydh gwynna es ergh.

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Matthew 16:22

Ena Peder a'n kemmeras dhe denewen ha dalleth y geredhi ow leverel, ‘Bynner re bo, Arloedh! Ny hwyrvydh henna dhis!’

Matthew 21:29

Mes ev a worthybis ha leverel, “Ny vynnav”; mes a-wosa edrek a'n jeva hag ev eth.

Matthew 26:33

Peder a worthybis ha leverel dhodho, ‘Mara pydh kettep onan sklandrys ahanas, byth ny vydhav vy sklandrys.’

Matthew 26:35

Yn-medh Peder dhodho, ‘Kyn fe res my dhe verwel genes, ny wrav vy dha dhenagha.’ Yndella ynwedh y kewsis oll an dhyskyblon.

Yowann 13:6

Ytho ev a dheuth dhe Simon Peder, neb a leveris dhodho, ‘Arloedh, a wolghydh tejy ow threys vy?’

Yowann 13:9

Yn-medh Simon Peder dhodho, ‘Arloedh, na wra golghi ow threys hepken, mes ynwedh ow diwleuv ha'm penn!’

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Oberow 22:16

Lemmyn, prag y hokydh? Sav yn-bann, bydh besydhys ha golgh dhe-ves dha beghosow, ow kelwel war y hanow.”

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Efesianys 5:26

ma's gwrella sans, orth hy glanhe dre wolghas an dowr der an ger,

Dewteronomi 12:12

Hwi a lowenha a-rag an Arloedh agas Duw, hwi, ha'gas mebyon, ha'gas myrghes, ha'gas servysi, ha'gas maghtethyon, ha'n Levyas usi a-ji dh'agas yetys drefenn nag eus dhodho kevrenn nag eretons genowgh hwi.

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,

Kolossianys 2:23

An taklow ma dhe wir y's teves semlans furneth, gans gordhyans omgemmerys der an bolonjedh, hag uvelder, ha dyghtyans kales a'n korf, heb talvosogeth mann erbynn hwansow an korf.

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Diskwedhyans 1:5

ha dhiworth Yesu Krist, an test len, an kynsa dineythys a'n re varow, ha rewler myghternedh an norvys. Dhe neb a'gan kar ha'gan delivras mes a'gan peghosow der y woes,

Diskwedhyans 7:14

Ha my a leveris dhodho, ‘Ow arloedh, ty a woer.’ Hag yn-medh ev dhymm, ‘An re ma yw neb a dheuth yn-mes a anken meur, ha re wolghas aga fowsyow ha'ga gwynnhe yn goes an Oen.