Yowann 13:27 - An Bibel Kernewek 20234 (Kernewek Kemmyn)

²⁷ Ha wosa an soubenn Satnas a entras ynno. Ytho Yesu a leveris dhodho, ‘An pyth a wredh, gwra yn skon.’

Yowann 13:27 Iomraidhean Croise

1 Myghternedh 18:27

Dhe hanter-dydh Elias a's skornyas, ow leverel, ‘Kriewgh ughella, rag ev yw duw; poken yma ev owth ombrederi, poken ev re omdennas, poken yma ev ow vyajya. Martesen yma ow koska ha res yw gul dhodho difuna.’

Salmow 109:6

Gorr tebelwas dhe vos router warnodho, ha seves kuhudhor orth y leuv dhyghow.

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Daniel 2:15

yn-medh ev dhe Aryok, kapten an myghtern, ‘Prag yth yw mar sevur gorhemmynn an myghtern?’ Ena Aryok a dhisplegyas an mater dhe Daniel.

Matthew 12:45

Ena yth a ha dri ganso seyth spyrys arall gweth agesso y honan, hag i ow mones a-bervedh, a drig ena; ha diwedh an den na yw gweth ages y dhalleth. Yndella ynwedh y fydh hi dhe'n henedh drog ma.’

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Mark 6:25

Ha desempis hi a dheuth a-bervedh toeth da dhe'n myghtern ha govynn, ow leverel, ‘My a vynn ty dhe ri dhymm dison war dallyour penn Yowann Baptyst.’

Luk 22:3

Ena Satnas a entras yn Yudas, henwys Skaryoth, onan a niver an dewdhek;

Yowann 13:2

Pan esens ow tybri soper, wosa an jowl dhe worra yn kolonn Yudas mab Simon Skaryoth dh'y drayta,

Yowann 13:28

Mes denvyth a'n re growedhys ena ny gonvedhas prag y kewsis dhodho.

Yowann 6:70

Yesu a worthybis dhedha, ‘A ny wrugavy agas dewis, agas dewdhek? Hag onan ahanowgh yw dyowl.’

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?