Yowann 12:6 - An Bibel Kernewek 20234 (Kernewek Kemmyn)

⁶ Ny leveris hemma rag bos dhodho bern a-barth an voghosogyon, mes rag ev dhe vos lader, hag ev a witha an pors, ha ladra an pyth o gorrys ynno.

Yowann 12:6 Iomraidhean Croise

Salmow 14:1

An den anfur re leveris yn y golonn, ‘Nyns eus Duw.’ Legrys yns i, hag i re wrug obereth kasadow, nyns eus denvyth a wrello dader.

Lavarow Koth 29:7

An den gwiryon a aswonn gwiryow an voghosogyon; ny dheur mann dhe'n tebelwas an aswonnvos ma.

Ezekiel 33:31

I a dheu dhis, kepar dell yw usadow an bobel dhe wul, hag i a esedh a-ragos, ha klewes dha eryow, mes ny wrons war aga lergh. Rag yma gowyow yn aga ganow, hag yma aga holonn ow mos war-lergh aga gwayn anewn.

Matthew 21:13

hag yn-medh ev dhedha, ‘Skrifys yw, “Ow chi vy a vydh gelwys chi pysadow”, mes hwi a'n gwra fow ladron.’

Luk 8:3

ha Yoanna gwreg Kusa, rennyas Herod, ha Susanna, ha lies arall, neb a venystra dhedha yn-mes a'ga fythow.

Yowann 10:13

Henn yw rag ev dhe vos goberwas, ha ny vern dhodho travyth a-dro dhe'n deves.

Yowann 12:5

‘Prag na veu an unyent ma gwerthys a drihans diner, ha'n mona res dhe'n voghosogyon?’

Yowann 13:29

Rag re a dybis, drefenn Yudas dhe witha an pors, Yesu dhe leverel dhodho, ‘Pren an taklow usi edhomm dhyn anedha rag an goel’; po may rolla neppyth dhe'n voghosogyon.

1 Korinthianys 6:10

na ladron, na tus pith, na medhewon, na sklandroryon, na'n re graf, ny wrons i erita gwlaskor Duw.

Galatianys 2:10

marnas i a vynnas orthyn perthi kov a'n voghosogyon, an keth tra may feu hwans dhymm dh'y wul.

1 Thessalonianys 5:22

Omwithewgh rag drog a bub eghenn.

Jamys 2:2

Mar teu gour owrek y vysies ha splann y dhillas a-bervedh yn agas kuntelles, ha mar teu ynwedh den boghosek, plos y dhillas,

Jamys 2:6

Mes hwi a dhisenoras an boghosek. A ny'gas begh an dus rych? A ny'gas tennons a-dherag lysyow breus?