Yowann 12:48 - An Bibel Kernewek 20234 (Kernewek Kemmyn)

⁴⁸ Ev neb a'm nagh, ha na dhegemmer ow geryow, yma dhodho nebonan a wra y vreusi; an ger a gewsis vy, henna a wra y vreusi dydh fin.

Yowann 12:48 Iomraidhean Croise

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 21:42

Yn-medh Yesu dhedha, ‘A ny redsowgh bythkweth y'n skryptors, “An men hag a veu skonys gans an weythoryon, henn yw gwrys pennmen an korn; gans an Arloedh y feu hemma gwrys, ha marthys yw yn agan dewlagas?”

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Mark 12:10

A ny redsowgh hwi an skryptor ma: “An men hag a veu skonys gans an weythoryon, henn yw gwrys pennmen an korn;

Mark 16:16

Piwpynag a grysso hag a vo besydhys a vydh selwys, mes neb na vynno krysi a vydh dampnys.

Mark 8:31

Hag ev a dhallathas aga dyski, bos res dhe Vab an den godhevel lies tra, ha bos neghys gans an henavogyon ha gans an bennoferysi ha'n skribys, ha bos ledhys, ha wosa trydydh dasserghi.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Luk 17:25

Mes kyns oll res yw ev dhe wodhav lies tra ha bos neghys gans an henedh ma.

Luk 20:17

Mes ev a viras orta ha leverel, ‘Pandra ytho a styr an skryptor ma “An men hag a veu skonys gans an weythoryon, henn yw gwrys pennmen an korn”?

Luk 7:30

Mes an Fariseow ha'n laghysi a skonyas towl Duw ragdha, hag i heb bos besydhys ganso.

Luk 9:22

ow leverel bos res dhe Mab an den godhav lies tra ha bos neghys gans an henavogyon ha'n bennoferysi ha'n skribys ha bos ledhys ha bos drehevys y'n tressa dydh.

Luk 9:26

Piwpynag ytho a'n jeffo meth ahanav vy ha'm lavarow, Mab an den a'n jevydh meth anodho pan dheffo yn y wolewder ev ha golewder an Tas ha'n eledh sans.

Yowann 11:24

Yn-medh Martha dhodho, ‘My a woer, ev dhe sevel arta y'n dasserghyans, dydh fin.’

Yowann 5:45

Na dybewgh my dh'agas kuhudha a-rag an Tas; Moyses yth yw neb a wra agas kuhudha, ev neb re drestsowgh ynno.

Yowann 6:39

Ha hemm yw bolonjedh neb a'm dannvonas, ma na wrylliv kelli travyth a bup-tra re ros ev dhymm, mes y dhrehevel yn-bann dydh fin.

Yowann 8:47

Ev neb yw a Dhuw a glew geryow Duw; rakhenna, hwi ny glewowgh, drefenn nag owgh hwi a Dhuw.’

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Oberow 3:23

Hag y hwer, pub enev na wrello goslowes orth an profoes na dhe vos distruys yn tien mes a'n bobel.”

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

2 Korinthianys 4:3

Mes yn hwir mars yw kudhys agan aweyl, kudhys yw rag an re usi ow mos dhe goll.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Ebrowyon 10:25

heb forsakya agan kuntellyans agan honan, dell yw an usadow gans rann, mes kennertha an eyl y gila, ha seul voy dell welowgh an Jydh ow nesa.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.

1 Peder 1:5

neb yw gwithys dre alloes Duw dre fydh dhe selwyans parys dhe vos diskwedhys y'n termyn diwettha.

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

1 Samuel 10:19

Mes hedhyw, hwi re naghas agas Duw, neb a'gas delivras dhiworth oll agas droglammow ha'gas galarow. Mes hwi a leveris, “Nansi, mes gorr myghtern warnan.” Lemmyn ytho, sevewgh a-rag an Arloedh orth agas loethow hag orth agas kordhow.’

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.