Yowann 12:34 - An Bibel Kernewek 20234 (Kernewek Kemmyn)

³⁴ Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Yowann 12:34 Iomraidhean Croise

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

Salmow 110:4

An Arloedh re dos, ha ny dhenagh, ‘Ty yw oferyas bynitha war-lergh ordyr Melkisedek.’

Salmow 72:7

Re vleujyowo gwiryonedh yn y dhydhyow, ha palster kres, erna hettho an loer.

Ysay 53:8

ev a veu ledys dhe-ves dre gonstrynans wosa drogvreus. Piw a wra vri a'y denkys? Rag treghys veu yn-mes a dir an re vew; rag kammweyth ow fobel y feu gweskys.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Daniel 7:14

Ha dhodho y feu res mestrynses, hag enor ha myghternsys; hag oll an poblow, kenedhlow ha tavosow a'n servyas. Y vestrynses yw mestrynses a dhur bys vykken a ny dremen dhe-ves, ha'y ruvaneth ny vydh distruys.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Matthew 16:13

Pan dheuth Yesu dhe rannvro Sesarea Filippi, ev a wovynnas orth y dhyskyblon ow leverel, ‘Piw y lever tus, Mab an den dhe vos?’

Matthew 21:10

Hag ev ow tos a-bervedh yn Yerusalem, oll an sita a veu movyes hag a wovynnas, ‘Piw yw hemma?’

Matthew 8:20

Hag yn-medh Yesu dhodho, ‘Dhe'n lewern yma tell, ha neythow dhe ydhyn an ayr, mes dhe Vab an den nyns eus le may hyll powes y benn ynno.’

Yowann 10:34

Yesu a worthybis dhedha, ‘A nyns yw skrifys yn agas lagha, My a leveris, Hwi yw duwow?

Yowann 12:32

Ha my, pan viv drehevys a'n norvys, a denn tus oll dhymmo vy.’

Yowann 15:25

Mes hemm yw, rag may fo kollenwys an ger skrifys yn aga lagha, “I re'm kasas heb acheson.”

Yowann 8:28

Ena Yesu a leveris dhedha, ‘Pan dhrehevowgh Mab an den, ena hwi a aswonn my dhe vos ev, ha na wrav vy travyth ahanav ow honan; saw kepar dell dhyskas dhymm ow Thas, henna a gowsav.

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Romanyon 5:18

Ytho dell dhug drogober unn den dampnasyon tus oll, yndella ober gwiryon unn den a dheg ewnheans ha bewnans rag tus oll.

Ebrowyon 7:24

mes ev a syns y soedh bys vykken, rag ev dhe besya bys vykken.