Yowann 12:32 - An Bibel Kernewek 20234 (Kernewek Kemmyn)

³² Ha my, pan viv drehevys a'n norvys, a denn tus oll dhymmo vy.’

Yowann 12:32 Iomraidhean Croise

2 Samuel 18:9

Lemmyn Absalom a dhyerbynnas gwesyon Davydh. Hag yth esa Absalom ow marghogeth war asen, ha'n asen eth yn-dann skorr tew terebinthenn vras, ha'y benn a veu synsis fast y'n derebinthenn, may feu gesys ow kregi ynter an ebron ha'n dor; ha'n asen re bia yn-danno eth dhe-ves.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ysay 49:6

yn-medh ev: ‘Tra re drufel ragos yw ty dhe vos ow gwas, rag drehevel loethow Yakob, ha dri arta an re withys a Ysrael. My a'th re avel golow dhe'n kenedhlow, rag mayth hettho ow selwyans dhe bennow an norvys.’

Hosea 11:4

My a's tennas gans kerdyn denel, gans lovonow kerensa; hag yth en vy kepar ha neb a dhrehav an yew a'ga honna, ha my a blegyas dh'y vaga.

Niverow 21:9

Ytho Moyses a wrug sarf a vrons, ha'y gorra war beul; ha mar prattha sarf den vytholl, ev a virsa orth an sarf vrons ha bewa.

Yowann 1:7

Ev a dheuth rag dustuni, dhe dhoen dustuni a'n golow, rag may kryssa pub den oll dredho ev.

Yowann 12:34

Ytho an routh a worthybis dhodho, ‘Ni re glewas y'n lagha, Krist dhe besya bynitha; ha fatell leverowgh y tal Mab an den dhe vos drehevys? Piw yw an “Mab an den” ma?’

Yowann 18:32

may fe kollenwys an ger kewsys gans Yesu, ow styrya py par mernans a vedha ow merwel dredho.

Yowann 19:17

hag ev eth yn-rag ow toen y grows y honan bys yn tyller henwys Tyller Krogen, hag yn Ebrow, Golgotha;

Yowann 3:14

Ha kepar dell dhrehevis Moyses an sarf y'n gwylvos, yndella res yw Mab an den dhe vos drehevys,

Yowann 6:44

Ny yll denvyth dos dhymmo vy marnas an Tas neb a'm dannvonas a'n tenn; ha my a'n drehav dydh fin.

Yowann 8:28

Ena Yesu a leveris dhedha, ‘Pan dhrehevowgh Mab an den, ena hwi a aswonn my dhe vos ev, ha na wrav vy travyth ahanav ow honan; saw kepar dell dhyskas dhymm ow Thas, henna a gowsav.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

1 Timothi 2:6

neb a omros yn daspren rag pub den oll, an dustuni degys y'n termyn gwiw.

Ebrowyon 2:9

Mes ni a wel Yesu, neb a veu gwrys nebes isella ages an eledh, lemmyn kurunys gans golewder hag enor dre wodhevel mernans, may tastya mernans rag pub huni, dre ras Duw.

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;