Yowann 12:29 - An Bibel Kernewek 20234 (Kernewek Kemmyn)

²⁹ An routh neb a sevi ena a'n klewas, ha leverel hi dhe wul taran; re erell a leveris, ‘El re gewsis dhodho.’

Yowann 12:29 Iomraidhean Croise

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Oberow 9:7

Lemmyn an wer esa ow vyajya ganso a sevis avlavar, ow klewes an son, mes heb gweles denvyth.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 14:2

Ha my a glewas son dhiworth nev kepar ha son lies dowr, ha son taran vras, ha'n son a glewis o kepar ha telynnyoryon ow telynnya gans aga thelynnow.

Diskwedhyans 6:1

Ha my a welas pan igoras an Oen onan a'n seyth sel, ha my a glewas onan a'n peswar kreatur bew ow leverel, kepar dell veu gans son taran, ‘Deus!’

Diskwedhyans 8:5

Ha'n el a gemmeras an ynkyslester, ha'y lenwel a dan an alter ha'y dewlel dhe'n dor, hag y feu taranow ha sonyow ha lughes ha dorgrys.