Yowann 12:27 - An Bibel Kernewek 20234 (Kernewek Kemmyn)

²⁷ ‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Yowann 12:27 Iomraidhean Croise

Salmow 6:3

Ow enev ynwedh yw pur dhyegrys. Mes ty, A Arloedh – pygemmys prys?

Salmow 88:3

Rag leun yw ow enev a boenvos, ha'm enev a dheu nes dhe ifarn.

Ysay 38:15

Pandr'a lavarav? Ev re gewsis dhymm, hag ev y honan re'n gwrug. My a gerdh yn lent oll ow blydhynyow drefenn hwerowder ow enev.

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 11:26

ya, A Das, rag yndella re beu dha vodh.

Matthew 26:42

Arta an nessa gweyth ev a omdennas ha pysi, ow leverel, ‘Ow Thas, mar ny yll hemma tremena heb my dh'y eva, dha vodh re bo gwrys.’

Matthew 26:45

Ena y teuth dhe'n dhyskyblon hag yn-medh ev dhedha, ‘Pesyewgh ow koska lemmyn, ha powesewgh; otta, ogas yw an eur mayth yw daskorrys Mab an den yntra diwla peghadoryon.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Luk 22:53

Pub dydh yth esen vy genowgh y'n tempel, ha ny settsowgh dalghenn ynnov; mes hemm yw agas eur, ha nerth an tewlder.’

Yowann 11:41

Ytho i a gemmeras an men dhe-ves. Ha Yesu a dhrehevis y dhewlagas ha leverel, ‘A Das, my a woer gras dhis ty dhe'm klewes.

Yowann 12:23

Yesu a worthybis dhedha ow leverel, ‘Devedhys yw an eur may fo Mab an den glorifiys.

Yowann 13:21

Wosa leverel hemma, Yesu o troblys y'n spyrys, hag ev a dhustunias ha leverel, ‘Yn hwir, yn hwir y lavarav dhywgh, onan ahanowgh a wra ow thrayta.’

Yowann 18:37

Ena yn-medh Pilat dhodho, ‘Osta myghtern ytho?’ Yesu a worthybis, ‘Ty a lever, ow bos myghtern. Rakhenna y feuv vy genys, ha rakhenna y teuth vy y'n bys, may hallen dustunia a'n gwiryonedh. Peub neb yw a'n gwiryonedh a glew ow lev.’

1 Timothi 1:15

Len yw an ger ha gwiw dhe bub kemmeryans, Krist Yesu dhe dhos a-bervedh y'n bys dhe selwel peghadoryon; ha'n kynsa anedha ov vy.

Ebrowyon 2:14

Ytho, a-ban gemmeras an fleghes rann yn kig ha goes, ev y honan a gevrennas a'n keth traow, may tistrua, dre vernans, neb a'n jeves galloes mernans, henn yw, an jowl,

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.