Yowann 11:55 - An Bibel Kernewek 20234 (Kernewek Kemmyn)

⁵⁵ Ha pask an Yedhewon o ogas, ha lies eth yn-bann dhiworth an pow kyns an pask, dhe omlanhe.

Yowann 11:55 Iomraidhean Croise

Jenesis 35:2

Ena Yakob a leveris dh'y vayni ha dhe oll an re esa ganso. ‘Kemmerewgh dhe-ves an duwow estren usi yn agas mysk; omlanhewgh, ha chanjyewgh agas dillas;

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Salmow 26:6

My a wolgh ow diwleuv yn gwiryonsys, ha mos a-dro dhe'th alter, A Arloedh,

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Niverow 9:10

Lavar dhe vebyon Ysrael: Mar pydh avlan gour ahanowgh po a'gas diyskynnysi dre dochya korf marow, po pell war vyaj, hwath ev a with pask dhe'n Arloedh.

Niverow 9:6

Hag yth esa gwer avlan dre dava korf marow den, ma na allsons gwitha an pask an jydh na; hag i a dheuth a-rag Moyses hag a-rag Aron an jydh na;

Matthew 26:1

Ha Yesu, wosa gorfenna oll an lavarow ma, a leveris dh'y dhyskyblon,

Matthew 26:2

‘Hwi a woer bos an pask wosa dew dhydh, ha Mab an den a vydh daskorrys dhe vos krowsys.’

Mark 14:1

Wosa dew dhydh yth esa an pask ha goel an bara heb goell. Ha'n bennoferysi ha'n skribys a hwila fatell allsens y gemmeres dre doell ha'y ladha;

Luk 22:1

Lemmyn goel an bara heb goell, henwys pask, esa ow tos nes.

Yowann 12:1

Ena, hwegh dydh kyns an pask, Yesu a dheuth dhe Bethani le mayth esa Lazarus neb a wrug ev y dhrehevel dhiworth an re varow.

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 18:28

Ena i a hembronkas Yesu dhiworth Kayfas bys y'n pretorium. Myttin a-varr o hi. Nyns ethons i aga honan a-bervedh y'n pretorium, ma na vens i defolys, mes may hallens dybri an pask.

Yowann 2:13

Hag ogas o pask an Yedhewon, ha Yesu eth yn-bann dhe Yerusalem,

Yowann 2:6

Hag yth esa ena hwegh seth-dowr gwrys a ven rag glanheansow an Yedhewon, ow synsi pubonan dew po tri firkin.

Yowann 5:1

Wosa hemma yth esa goel dhe'n Yedhewon, ha Yesu eth yn-bann dhe Yerusalem.

Yowann 6:4

Hag yth esa an pask, goel an Yedhewon, ow tos nes.

Oberow 21:24

kemmer an re ma, ha bydh purhes gansa ha pe may hallons treghi aga gols, ha pubonan a wra godhvos nag eus travyth y'n pyth re beu derivys y'th kever, mes ty dha honan dhe vewa ow kwitha an lagha.

Oberow 21:26

Ena Powl a gemmeras an wer, ha ternos pan re bia purhes, ev hag i war-barth, ev eth y'n tempel, dhe ri avisyans pan vedha an dydhyow a lanheans kowlwrys, ha'n offrynn gwrys a-barth pub huni anedha.

Oberow 24:18

Ha my ow kul hemma, i a'm kavas y'n tempel wosa ow glanheans, naneyl gans routh na gans deray,

1 Korinthianys 11:28

Mes preves den y honan, hag ena dybres a'n bara hag eves a'n hanaf;

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

1 Samuel 16:5

Hag yn-medh ev, ‘Yn kres; my re dheuth dhe sakrifia dhe'n Arloedh; omsakrewgh ha dewgh genev dhe'n sakrifis.’ Hag ev a sakras Yesse ha'y vebyon ha'ga gelwel dhe'n sakrifis.