Yowann 11:51 - An Bibel Kernewek 20234 (Kernewek Kemmyn)

⁵¹ Ny leveris hemma anodho y honan, mes, rag ev dhe vos arghoferyas an vlydhen na, ev a brofoesas Yesu dhe verwel a-barth an genedhel,

Yowann 11:51 Iomraidhean Croise

Eksodus 28:30

Hag y'n lurik a vreus ty a wra gorra an Urim ha'n Thummim, hag i a vydh war golonn Aron, pan a a-ji a-rag an Arloedh; yndellma Aron a wra doen breus mebyon Ysrael war y golonn a-rag an Arloedh heb hedhi.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Niverow 22:28

Ena an Arloedh a igoras ganow an asen, ha hi a leveris dhe Balaam, ‘Pandr'a wrug vy dhis ma'm gweskis an teyr gweyth ma?’

Niverow 24:2

Ha Balaam a dhrehevis y dhewlagas, ha gweles Ysrael ow kampya, loeth ryb loeth. Ha Spyrys Duw a dheuth warnodho,

Matthew 20:28

kepar dell na dheuth Mab an den dhe vos servys mes dhe servya, ha dhe ri y vewnans avel daspren rag lies.’

Yowann 10:15

Kepar dell wra an Tas ow aswonn, my ynwedh a aswonn an Tas, ha my a dhaskorr ow bewnans rag an deves.

Yowann 11:49

Mes onan anedha, Kayfas, neb o arghoferyas an vlydhen na, a leveris dhedha, ‘Ny wodhowgh hwi travyth,

Yowann 18:13

Hag i a'n hembronkas dhe-ves yn kynsa dhe Annas, neb o hwegron Kayfas, neb o arghoferyas an vlydhen na.

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

2 Korinthianys 5:21

A-barth dhyn ni ev a wrug dhodho, neb na wodhva pegh, bos pegh, may teffen ni ha bos ewnder Duw ynno ev.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Peder 3:18

Rag Krist a wodhevis unnweyth rag peghosow, den gwiryon rag tus kammhynsek, ma'gas drollo dhe Dhuw, ledhys y'n kig mes bewhes y'n spyrys;

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

1 Samuel 23:9

Davydh a wodhya Sowl dhe vrasa drog er y bynn, hag ev a leveris dhe Abiathar an oferyas, ‘Dro omma an Efod.’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.