Yowann 11:44 - An Bibel Kernewek 20234 (Kernewek Kemmyn)

⁴⁴ Ha'n den marow a dheuth yn-mes, kelmys y dreys ha'y dhiwleuv gans lystennow, ha'y fas maylys gans lien. Yn-medh Yesu dhedha, ‘Gwrewgh y dhigelmi, ha gesewgh ev dhe vos dhe-ves.’

Yowann 11:44 Iomraidhean Croise

Jenesis 1:3

Hag yn-medh Duw, ‘Bedhes golow’; hag y feu golow.

Salmow 33:9

Rag ev a gewsis, hag yndella y feu gwrys; ev a worhemmynnis ha pup-tra a sevis yn fast.

Hosea 13:14

My a's daspren dhiworth leuv ifarn; my a's delirv dhiworth ankow. Ple'mons dha blagys, A ankow? Ple'ma dha vros, A ifarn? Truedh a vydh kudhys dhiworth ow dewlagas.

Mark 5:43

Ev a erghis dhedha yn straght ma na dal denvyth godhvos a hemma; hag ev a worhemmynnis may fe res dhedhi dhe dhybri.

Luk 19:20

Ena an arall a dheuth ha leverel, “Arloedh, otta dha vina; my a'n gwitha saw maylys yn lien,

Luk 7:15

Ha'n marow a sevis dh'y esedh ha dalleth kewsel; hag ev a'n ros dh'y vamm.

Yowann 10:30

My ha'm Tas yw onan.’

Yowann 11:39

Yesu a leveris, ‘Kemmerewgh an men dhe-ves.’ Martha, hwoer an den marow, a leveris dhodho, ‘Arloedh, y fydh flerys lemmyn, rag an peswora dydh yw.’

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Yowann 19:40

Ytho i a gemmeras korf Yesu ha'y vaylya yn lystennow lien war-lergh us an Yedhewon rag ynkleudhyans.

Yowann 20:5

Ev a ynklinyas ha gweles an lystennow ow krowedha ena, byttegyns nyns eth ev a-bervedh.

Yowann 20:7

ha'n gweth, re bia a-dro dh'y benn; nyns esa ow krowedha gans an lystennow, mes maylys war-barth yn tyller arall.

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 5:25

‘Yn hwir, yn hwir y lavarav dhywgh, an eur a dheu, ha lemmyn yth yw, pan glew an re varow lev Mab Duw, ha neb a glew, bewa a wrons.

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.