Yowann 11:42 - An Bibel Kernewek 20234 (Kernewek Kemmyn)

⁴² Ha my a wodhva, ty dhe'm klewes pup-prys, mes drefenn an routh a sev a-dro my a'n leveris, rag may kryssens ty dhe'm dannvon.’

Yowann 11:42 Iomraidhean Croise

Matthew 26:53

Po a dybydh jy na allav pysi ow Thas, hag ev a dhannvon dhymm lemmyn moy ages dewdhek lyjyon a eledh?

Yowann 11:22

Mes lemmyn ynwedh my a woer, pypynag a wovynni a Dhuw, Duw a'n re dhis.’

Yowann 11:31

Ena an Yedhewon esa gensi y'n chi hag orth hy honfortya, ow kweles Maria dhe sevel uskis ha mos yn-mes, a wrug hy siwya, ow tybi hi dhe vos dhe'n bedh dhe oela ena.

Yowann 11:43

Ha wosa kewsel yndella, ev a grias gans lev ughel, ‘Lazarus, deus mes!’

Yowann 12:11

rag dredho ev y feu lies a'n Yedhewon ow treylya dhe-ves hag ow krysi yn Yesu.

Yowann 12:17

Ytho an routh neb esa ganso pan elwis ev Lazarus dhiworth an bedh, ha'y dhrehevel dhiworth an re varow, a dhug dustuni.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Yowann 17:25

‘A Das gwiryon, ny wra an bys dha aswonn, mes my a'th aswonn, ha'n re ma a woer ty dhe'm aswonn.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 20:31

Mes an re ma yw skrifys rag may kryssowgh Yesu dhe vos an Krist, Mab Duw, hag ow krysi may fo dhywgh bewnans yn y hanow ev.

Yowann 3:17

‘Rag ny dhannvonas Duw y Vab a-bervedh y'n bys rag breusi an bys, mes may fe an bys selwys dredho.

Yowann 8:16

Ha mar preusav vy, ow breus yw gwir; rag ny'n gwrav ow honan, mes my ha'n Tas neb a'm dannvonas a'n gwra.

Yowann 8:29

Yma genev vy ev neb a'm dannvonas. Ny'm gasas ow honan, rag pup-prys my a wra an pyth yw plegadow dhodho.’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

1 Yowann 4:14

Ha ni re welas ha ni a deg dustuni, y hwrug an Tas dannvon an Mab dhe vos Selwador an bys.