Yowann 11:25 - An Bibel Kernewek 20234 (Kernewek Kemmyn)

²⁵ Yn-medh Yesu dhedhi, ‘My yw an dasserghyans ha'n bewnans; neb a grys ynnov vy, hwath kyn farwo, ev a vew;

Yowann 11:25 Iomraidhean Croise

Salmow 36:9

Rag genes jy yma fenten bewnans; y'th wolow jy y hwelyn ni golow.

Ysay 26:19

Dha re varow a vydh bew; aga horfow a sev. Difunewgh ha kenewgh yn lowen, annedhysi an doust; rag dha luth yw gluth a wolow, ha'n nor a dhineyth spyrysyon an re varow.

Ysay 38:16

Arloedh, der an taklow ma tus a vew, hag ynna oll yma bewnans ow spyrys. Ty a'm restoryas dhe yeghes ha gul dhymm bewa.

Luk 23:43

Hag yn-medh ev dhodho, ‘Yn hwir y lavarav dhis, hedhyw y fydhydh genev yn Paradhis.’

Yowann 1:4

Ynno yth esa bewnans, ha'n bewnans o golow mab-den;

Yowann 14:19

Hwath pols byghan ha'n bys ny'm gwel namoy; mes hwi a'm gwel, rag my a vew, ha hwi ynwedh a vew.

Yowann 14:6

Yn-medh Yesu dhodho, ‘My yw an fordh, ha'n gwir, ha'n bewnans. Ny dheu denvyth dhe'n Tas saw dredhov vy.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Yowann 3:36

Ev neb a grys y'n Mab a'n jeves bewnans heb diwedh, ha neb na grys y'n Mab ny welvydh bewnans; mes sorr Duw a drig warnodho.

Yowann 5:21

Rag kepar dell wra an Tas drehevel an re varow ha ri dhedha bewnans, yndella ynwedh an Mab a re bewnans dhe biwpynag a vynno.

Yowann 5:26

Rag kepar dell eus dhe'n Tas bewnans ynno y honan, yndella ynwedh ev re wrontyas dhe'n Mab kavoes bewnans ynno y honan.

Yowann 6:35

Yesu a leveris dhedha, ‘My yw an bara a vewnans; neb a dheu dhymmo vy ny'n jevydh nown bynitha, ha neb a grys ynnov vy ny'n jevydh syghes nevra.

Yowann 6:44

Ny yll denvyth dos dhymmo vy marnas an Tas neb a'm dannvonas a'n tenn; ha my a'n drehav dydh fin.

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

Romanyon 4:17

Dell yw skrifys, ‘My re'th wrug tas kenedhlow pals’ – a-rag an Duw may fydhyas ynno, neb a re bewnans dhe'n re varow hag a elow dhe vosva an taklow na's teves bosva.

Romanyon 8:2

Rag lagha Spyrys bewnans yn Krist Yesu re'th tigolmas dhiworth lagha pegh ha mernans.

1 Korinthianys 15:18

Keffrys an re neb re goskas yn Krist, dhe goll galsons.

1 Korinthianys 15:29

Poken pyth a wrons i neb yw besydhys a-barth an re varow? Mar nyns yw drehevys mann an re varow, prag yth yns i besydhys a-barth dhedha?

2 Korinthianys 4:14

ow kodhvos hemma: ev neb a dhrehevis an Arloedh Yesu a wra agan drehevel ni ynwedh gans Yesu, hag ev a wra agan dri a-ragdho, genowgh hwi.

Filippianys 1:23

Yth esov vy yn kaletter ynter an dhew, ow pos hwansek dhe vos dhe-ves ha bos gans Krist, rag henn yw meur gwell;

Filippianys 3:10

rag y aswonnvos ev ha galloes y dhasserghyans, ha kevrenn yn y alarow, kesformys yn y vernans,

1 Thessalonianys 4:14

Rag mar krysyn Yesu dhe verwel ha dasserghi, yndella ynwedh, dre Yesu, Duw a dhre ganso an re re goskas.

Diskwedhyans 1:18

ha neb a vew; hag yth eth ha bos marow; hag otta, bew ov vy trank heb worfenn, hag y'm beus alhwedhow ankow hag ifarn.

Diskwedhyans 20:5

Mes remenant an re varow ny dhasvewsons bys pan veu gorfennys an mil vlydhen. Hemm yw an kynsa dasserghyans.

Diskwedhyans 21:4

Hag ev a sygh pub dagrenn dhiworth aga dewlagas, ha ny vydh ankow namoy, na ny vydh keudh, nag oela, nag anken namoy, rag bos an kynsa taklow tremenys.’

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.