Yowann 10:36 - An Bibel Kernewek 20234 (Kernewek Kemmyn)

³⁶ a yllowgh leverel anodho ev neb a wrug an Tas y sakra ha'y dhannvon y'n bys, “Ty a lever blasfemi”, rag my dhe leverel, “Mab Duw ov vy”?

Yowann 10:36 Iomraidhean Croise

Salmow 2:2

Myghternedh an norvys a sev, ha'n rewloryon a omgusul war-barth, erbynn an Arloedh hag erbynn y Untys:

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 42:3

Korsenn vrewys ny's terr, ha bubenn ow megi ny's difeudh; yn lel y teg gwirvreus yn-rag.

Ysay 55:4

Otta, my a'n gwrug dustunier dhe'n poblow, rewler ha mester dhe boblow.

Yeremia 1:5

‘Kyns my dhe'th formya y'n dorr my a'th aswonnis; ha kyns ty dhe dhos yn-mes a'n brys my a'th sakras, ha'th worra dhe vos profoes dhe'n kenedhlow.’

Matthew 27:43

ev a fydhyas yn Duw, re'n deliffro lemmyn mara'n mynn; rag ev a leveris, “My yw Mab Duw.” ’

Matthew 27:54

Ha'n penn-kangour ha'n re esa ganso ow kwitha Yesu, pan welsons an dorgrys hag oll a hwarva, a borthas own meur, ow leverel, ‘Yn tevri hemma o Mab Duw.’

Luk 1:35

Ha'n el a worthybis dhedhi, ‘An Spyrys Sans a dheu warnas, ha nerth an Ughella a'th worskeus; rakhenna an flogh a vydh genys a vydh gelwys Mab Duw.

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Yowann 17:18

Kepar dell wrussys ow dannvon vy y'n bys, yndella my ynwedh re's dannvonas i y'n bys.

Yowann 17:21

rag may fons i oll onan, kepar ha ty, A Das, ynnov vy ha my ynnos jy, rag may fons i ynwedh onan ynnon ni, may krysso an bys ty dhe'm dannvon.

Yowann 17:8

Rag my re ros dhedha an geryow a resys dhymm, hag i a's degemmeras hag a gonvedhas yn gwirder my dhe dhos ahanas, hag i a grysis ty dhe'm dannvon.

Yowann 19:7

An Yedhewon a worthybis dhodho, ‘Yma dhyn lagha, ha herwydh an lagha na y tal dhodho merwel, rag ev a omwrug Mab Duw.’

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Yowann 20:31

Mes an re ma yw skrifys rag may kryssowgh Yesu dhe vos an Krist, Mab Duw, hag ow krysi may fo dhywgh bewnans yn y hanow ev.

Yowann 3:17

‘Rag ny dhannvonas Duw y Vab a-bervedh y'n bys rag breusi an bys, mes may fe an bys selwys dredho.

Yowann 3:34

Rag ev neb re wrug Duw y dhannvon a gews geryow Duw, rag ny re ev an Spyrys orth musur.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Yowann 6:57

Dell y'm dannvonas an Tas bew, ha my a vew der an Tas, yndella neb a'm deber, henna a'n jevydh bewnans dredhov vy.

Yowann 6:69

Ha ni a grys, hag a woer ty dhe vos an Sans a Dhuw.’

Yowann 8:42

Yn-medh Yesu dhedha, ‘Mar pe Duw agas Tas, hwi a wrussa ow hara; rag my a dheuth dhiworth Duw, hag omma yth esov. Nyns ov vy devedhys ahanav ow honan, mes ev a'm dannvonas.

Romanyon 1:4

hag a veu henwys Mab Duw yn nerth war-lergh Spyrys sansoleth dre dhasserghyans an re varow, Yesu Krist agan Arloedh;

Romanyon 8:3

Rag an pyth a veu an lagha dialloes dh'y wul, rag hy bos gwann der an kig, Duw y honan re wrug, ow tannvon y Vab y honan yn hevelep kig a begh, dhe vos offrynn pegh, hag yndella ev a dhampnyas pegh y'n kig,

Romanyon 9:5

dhedha yth yw an ugheldasow hag a'ga eghenn, war-lergh an kig, yw Krist usi a-ugh oll, Duw benniges bys vykken. Amen.

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,