Yowann 10:31 - An Bibel Kernewek 20234 (Kernewek Kemmyn)

³¹ Ytho an Yedhewon a gemmeras meyn yn-bann arta, rag may hwrellens y labydha.

Yowann 10:31 Iomraidhean Croise

Eksodus 17:4

Ytho Moyses a grias war an Arloedh, ‘Pandr'a wrav gans an bobel ma? Ogas parys yns dhe'm labydha.’

Matthew 12:14

Ha'n Fariseow owth omdenna a omgusulyas er y bynn fatell allens y dhistrui.

Matthew 21:35

Mes an diogyon a dhalghennas y gethwesyon ha kronkya onan, ha ladha onan, ha labydha onan arall.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Yowann 1:19

Ha hemm yw dustuni Yowann, pan dhannvonas an Yedhewon oferysi ha Levysi dhodho dhiworth Yerusalem, dhe wovynn orto, ‘Piw osta?’

Yowann 10:24

Ena an Yedhewon a dheuth a-dro dhodho ha leverel dhodho, ‘Pes termyn y'gan synsydh yn fienasow? Mars osta an Krist, lavar dhyn yn apert.’

Yowann 10:32

Yesu a worthybis dhedha, ‘My re dhiskwedhas dhywgh lies ober da dhiworth an Tas; rag py ober anedha y fynnowgh ow labydha?’

Yowann 11:8

Yn-medh an dhyskyblon dhodho, ‘Mester, an Yedhewon a hwilas dha labydha nammnygen; a vynnydh mos di arta?’

Yowann 5:18

Rakhenna ytho an Yedhewon a hwila dhe voy y ladha, ny veu henna yn unnsel rag ev dhe derri an sabot, mes ynwedh rag ev dhe elwel Duw y Das, orth y omwul par dhe Dhuw.

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.